विधान परीषदेच्या उपसभापती निलम गोऱ्हे यांची मोरगाव देवस्थानला भेट

बारामती दि १८

 महाराष्ट्र राज्य विधान परीषदेच्या उपसभापती निलम गोऱ्हे  आज अष्टविनायक यात्रेची  सांगता निमित्ताने  मोरगांव येथे आल्या  होत्या.राज्यातील जनता कोरोनामुक्त व्हावी व शेतकऱ्यांना सुखाचे दिवस येण्यासाठी  उपसभापतींनी मयुरेश्वर चरणी प्रार्थना केली .

आज उपसभापती निलमताई गोऱ्हे मयुरेश्वर दर्शनासाठी मोरगांव येथे आल्या होत्या . त्यांसमवेत  सुनीता मोरे  जिल्हा प्रमुख महीला आघाडी सांगली , विजया शिंदे  महीला आघाडी सह संपर्क प्रमुख  व निवडक कार्यकर्ते होते   .श्रींचे दर्शन घेतल्यानंतर त्यांनी अभीषेक पुजा , आरती  केली . यावेळी  चिंचवड देवस्थान ट्रस्टच्यावतीने  विश्वस्त  विनोद पवार  , तर मोरगाव ग्रामपंचायतच्यावतीने  सरपंच निलेश केदारी , माजी सरपंच पोपट तावरे  यांनी  त्यांचा सत्कार श्रींचा फोटो , शाल , श्रीफळ देऊन केला . यानंतर झालेल्या बैठकीमध्ये उपस्थितांशी बोलताना त्यांनी सांगीतले की  , तिर्थक्षेत्र विकास आराखडा अंतर्गत  भक्तनिवास , रस्ते  , अन्नसत्र हॉल  व इतर   मूलभूत  सोइ सुविधासाठी आवश्यकतो  निधी मिळण्यासाठी पाठपुरावा सुरु असून अष्टविनायक तीर्थक्षेत्री लवकरच कायापालट झालेले असेल . यामुळे भावीक व पर्यटकांना अधीकाधीक उत्कृष्ट सेवा मिळण्यास मदत होइल .

अष्टविनायक यात्रा करण्यामागचा  उद्देशाबाबत उपसभापतींनी पत्रकारांशी बोलताना सांगितले की  मुख्यमंत्री उद्धव ठाकरे , व महानिकास आघाडी  जनतेचे अधीकाधीक प्रश्न सोडवण्याचा जो  प्रयत्न करतात  त्याला यश मिळावे . तसेच शेतकऱ्यांचे शेतमाल , आत्महत्या यांसारखे प्रश्न सुटून बळीराजाला  सुखाचे दिवस यावेत यासाठी देवाकडे  प्रार्थना केली असल्याचे सांगितले.