सोमेश्वर रिपोर्टर टीम--------
मोरगाव : तरडोली ग्रामपंचायत सरपंच पदाची निवड जिल्हाधीकारी यांच्या आदेशानुसार आज संपन्न होणार होती . या पदासाठी चार सदस्यांपैकी केवळ विद्या हनुमंत भापकर यांचा एकमेव अर्ज आला होता . तर पाच सदस्य या निवडीसाठी गैहजर राहील्याने सभा तहकुब करून उद्या पुन्हा २ वाजता होणार आहे . यासाठी गणपुर्तीची आवश्यकता नसल्याचे निवडणुक निर्णय अधीकारी डी. एस . कोरपड यांनी सदस्यांना नोटीशीद्वारे सूचीत केले आहे.
आज तरडोली येथे सरपंचपद निवड कार्यक्रम नाट्यमय रीत्या संपन्न झाला . येथील तत्कालीन सरपंच नवनाथ जगदाळे यांच्या निवड प्रक्रियेवर पाच सदस्यांनी जिल्हाधीकारी यांकडे अपील केले होते . जिल्हाधीकारी यांनी निवडणूक निर्णय अधीकाऱ्यांने वैध ठरणारे मत चुकीच्या रीतीने अवैध ठरविल्याने जगदाळे यांची निवड प्रक्रीया रद्दबातल ठरवली होती . यानंतर आज दि ९ रोजी पुन्हा नव्याने सरपंच निवड प्रक्रिया कार्यक्रम घोषित करण्यात आला होता . सकाळी १० वाजून ३२ मिनीटांनी विद्या हनुमंत भापकर , संतोष संपत चौधरी , स्वाती सतीश गायकवाड , नबाबाई धायगुडे यांपैकी सरपंच पदासाठी विद्या भापकर यांचा केवळ एकमेव अर्ज आला . या निवडीसाठी नवनाथ जयसिंग जगदाळे , महेंद्र जिजाबा तांबे , सागर पंडीत जाधव , अनिता उत्तम पवार , अश्विनी श्रीकांत गाडे हे गैहजर राहीले .
दुपारी अडीच वाजेपर्यंत नामनिर्देशित भरणे , अर्ज माघार घेणे , छाननी ही प्रक्रीया संपन्न झाली .मात्र गणपुर्ती अभावी निवडणूक निर्णय अधीकारी डी.एस.कोरपड यांनी सभेचे कामकाज उद्या दि .१० रोजी दुपारी २ वाजता ठेवले आहे . तसेच यासाठी गणपुर्तीची आवश्यकता नसुन निवडीची पुढील प्रकीया संपन्न होणार असल्याचे नोटीशीद्वारे सदस्यांना त्यांनी कळविले आहे .गैरहजर सदस्यांमुळे विद्या भापकर यांचा सरपंच पदाचा मार्ग मोकळा झाला आहे .
COMMENTS