सोमेश्वर रिपोर्टर टीम------
भोर : संतोष म्हस्के
मागील आठ दिवसापासून भोर तालुक्यात सर्वत्र वादळी पावसाने थैमान घातले आहे. भाटघर धरणाच्या पश्चिम पट्ट्यातील दुर्गम-डोंगरी भागातील वेळवंड खो-याचे शेवटचे टोक असलेल्या कोंडगाव परिसरात झालेल्या मुसळधार पावसाने मोठे नुकसान झाले आहे.येथील हुंबेवस्तीवरील महत्वाच्या रहदारीचा येण्या -जाण्याचा पूल पावसाच्या पाण्याने वाहून गेला आहे.त्यामुळे वस्तीवरील नागरिकांचा संपर्क तुटला असून भात शेतात माती मिश्रित गाळ वाहुन आला आहे तर शेती पाण्याखाली गेली आहे. कोंडगाव-सांगवी परिसरात पावसाचा जोर कायम असून काही ठिकाणी दरड ,शेतीचे बांध, ताली, कोसळल्या आहेत.अतिवृष्टीमुळे मागील काही दिवसापासुन विजेचा प्रवाह खंडित झाल्याने नागरिक अंधारात आहेत असे पोलीस पाटील हुंबे यांनी सांगितले.
