सोमेश्वर रिपोर्टर टीम------
भिगवण : प्रतिनिधी
भिगवण राशीन राज्यमार्गांवर डिकसळ गावच्या हद्दीत अज्ञात वाहनाने ठोकरल्यामुळे पादचाऱ्याचा मृत्यू झाल्याची घटना मंगळवारी संध्याकाळी 9 ते 10 च्या सुमारास घडली.
याबाबत भिगवण पोलिसांनी दिलेल्या माहिती नुसार अपघातात विजय सीताराम बांडे वय 42 राहणार खेड ता. कर्जत यांचा जागीच मृत्यू झाला. त्यांना ठोकर देणारे वाहन अपघात करून पसार झाले. या अपघाताची माहिती मिळताच आपुलकीची जागा ऍम्ब्युलन्स सर्व्हिस चे संचालक केतन वाघ यांनी तातडीने घटना स्थळी भेट घेत अपघातातील रुग्णाला वैदकीय उपचारासाठी हलविण्याचा प्रयत्न केला मात्र अगोदरच बांडे यांचा मृत्यू झाला होता.याबाबत भिगवण पोलीस स्टेशनला मृत बांडे यांच्या मेहुणे संजय रामचंद्र मोरे रा. खेड यांनी खबर दिली असून भिगवण पोलीस अपघातातील वाहणाचा तपास घेत आहेत.
सदर अपघात आणि अपघातातील अज्ञात वाहणाचा तपास भिगवण पोलीस ठाण्याचे इन्चार्ज विनोद महांगडे यांच्या मार्गदर्शनाखाली पोलीस हवालदार अन्सार शेख आणि विजय लोढी करीत आहेत..
बारामती भिगवण राशीन राज्य मार्गाचे नूतनीकरण नव्यानेच झाले असून यावर वाहनांचा वेग कमालीचा वाढला असल्याचे दिसून येत आहे. तर मागील काही दिवसापासून या राज्य मार्गाची अपघाती राज्यमार्ग अशी ओळख बनत असून यात नागरिकांना आपला जीव गमवावा तसेच कायमचे अपंगत्व स्वीकारावे लागत आहे. तर बारामती पासुन भिगवण पर्यंत अपघातांची संख्या वाढत असल्याचे दिसून येत आहे. तसेच मदनवाडी तक्रारवाडी येथील टप्प्यात अनावश्यक डिव्हायडर ओपनिंग नागरिकांच्या जीवावर बेतत असून याकडे प्रशासन कोणतीही भूमिका घेत नसल्याचे दिसून येत आहे.
