पुणे जिल्हा मार्ग क्रमांक 65 वरील मोरगांव ते बारामती या रस्ता रुंदीकरणाचे काम सुरू
मोरगाव प्रतिनिधी दि :२० मे
पुणे जिल्हा मार्ग क्रमांक 65 वरील मोरगांव ते बारामती या रस्ता रुंदीकरणाचे काम सध्या सुरू आहे. रस्त्याच्या दोन्ही बाजूला साधारण: साडेतीन फूट अंतराचे डांबरीकरण होणार असल्याने रस्ता तीन पदरी होणार आहे .मात्र या डांबरीकरणासाठी १० फुटावरील झाड काढण्याचा अट्टाहास सार्वजनिक बांधकाम खात्याकडून केला आहे . वृक्षतोडीमुळे या मार्गावरील झाडाखाली व्यवसाय करणाऱ्या पन्नासपेक्षा अधीक तरुणांवर बेकारीची कुऱ्हाड व प्रजन्य मानावरही परीणाम होणार आहे .
जाहिरात
तालुक्याच्या पश्चिम भागात गेल्या १५ वर्षापासून गतवर्षाचा अपवाद वगळता अत्यल्प पाऊस होत आहे . पाऊस कमी होण्यामागे असलेल्या अनेक कारणापैकी वृक्षतोड हे प्रमुख कारण मानावे लागेल . होत आहे . पुणे जिल्हा मार्ग क्रमांक ६५ वरील मोरगांव पासून ते बारामती पर्यंत रस्ता तिनपदरी होत आहे . रुंदीकरणासाठी मुख्य रस्त्याच्या डाव्या व उजव्या बाजुच्या साईट पट्ट्यांवर साधारणत: साडेतीन ते चार फुट डांबरीकरण केले जाणार आहे . या रुंदीकरणासाठी शेतकऱ्यांचे अधिकचे क्षेत्र संपादित न करता फक्त दोन्ही बाजूने रुंदीकरण होत आहे. मात्र नव्याने होत असलेल्या रस्त्यापासून 10 फूटलांब अंतरावर असलेले साठ वर्षापेक्षाही जुनी असलेली शेकडो बाबळीच्या वृक्षांची तोड का सुरु आहे ? हा प्रश्न अनुत्तरित आहे .
साडेतीन फूट रस्त्यासाठी दहा फूट अंतरावरील झाडे काढायचं काम असल्याने शेतकरी व पर्यावरणप्रेमींकडून तिव्र संताप व्यक्त होत आहे. गावोगावी बांधावरील होणारी वृक्षतोड व आता रस्त्याचे बाजूवरील वृक्षतोड यामुळे या भागात भविष्यात पावसाचे कमी प्रमाण होण्याची शक्यता नाकारता येत नाही असे काही तज्ञांचे मत आहे.
वृक्षतोडीमुळे झाडांवरील शेकडो पक्षांची घरटी व थांबे उध्वस्त होत आहे . यामुळे ही वृक्षतोड ताबडतोब थांबवावी अशी मागणी अनेक तरुण पर्यावरणप्रेमींकडून होत आहे .रस्त्याच्या बाजुची अशी झाडे काढल्यास वाटच्या वाटसरूला व एकही चितपाखरु थांबण्यास आधार राहणार नाही हे मात्र निश्चित आहे .
-------------
तरडोली ता . बारामती येथील अनेक शेतकऱ्यांना सन १९७२ पुर्वी झालेल्या या रस्ता अधीग्रहणाचा कुठलाही मोबदला न देता डांबरीकरण केले आहे .त्यातच रस्ता रुंदीकरणाच्या नावाखाली बांधापासुन जवळच असलेली झाडे तोडल्यास येथील शेतकरी व व्यवसाईक आंदोलन करणार आहेत .
