शिक्षक हा समाजाचा आरसा - ॲड. गणेश आळंदीकर
सोमेश्वरनगर : प्रतिनिधी
शिक्षक हा समाजाचा आरसा असुन आई वडीलानंतर मुलांके भवितव्य घडवण्यात त्यांचे मोठे योगदान असते असे मत सोमेश्वर देवस्थान चे विश्वस्त ॲड गणेश आळंदीकर यानी मु सा काकडे महाविद्यालय वाघळवाडी येथे व्यक्त केले ते महाविद्यालयात शिक्षक दिनानिमित्त झालेल्या कार्यक्रमात प्रमुख पाहुणे म्हणुन बोलत होते .अध्यक्षस्थानी प्राचार्य डॉ सोमप्रसाद केंजळे होते उपप्राचार्य आर एस जगताप ,पर्यवेक्षीका प्रा .सनस व सुमारे ३० प्राध्यापक यावेळी हजर होते .
ॲड आळंदीकर पुढे म्हणाले कि शिक्षकाना वेळेचे व्यवस्थापन,स्वत: च्या नोटस काढायची सवय ,अभ्यासु वृत्ती ,आधुनिक तंत्रज्ञानाचा अवलंब , विद्यार्थ्याना वाचण्याचे ज्ञान असले पाहीजे. विद्यार्थ्याना त्यांच्या कलाने शिकवले तर त्याना उत्साह राहतो.वेगवेगळ्या उदाहरणानी त्यानी शिक्षकांच्या गुणांचा उहापोह केला. काकडे महाविद्यालयाने आजपर्यंत हजारो दिग्गज विद्यार्थी घडवले .परिस्थीती शी संघर्ष करीत शिकणाऱ्यासाठी अनेक सवलती दिल्या .त्यामुळे या महाविद्यालयाचा माजी विद्यार्थी असल्याचा अभिमान वाटतो असे ते म्हणाले. उपप्राचार्य आर एस जगताप सर यानी देशाचे माजी राष्ट्रपती सर्वपल्ली राधाकृष्णन यांच्या वाढदिवसानिमित्त शिक्षक दिन राबवला जातो असे सांगुन त्याचे मते शिक्षक हा परिपूर्ण व्यक्तीमत्व असले पाहीजे असे ते म्हणाले तसेच महाविद्यालयात नियमीत घेत असलेल्या कार्यक्रमाबद्दल आढावा घेत प्राध्यापक वर्गाच्या कामाबद्दल माहीती दिली. कार्यक्रमाचे अध्यक्ष प्राचार्य डॉ सोमप्रसाद केंजळे यानी विद्यार्थ्याविना शिक्षक दिनाचा कार्यक्रम हि पहिलीच वेळ असुन कोव्हीड चे संकटातील हा शिक्षक दिन कायम स्मरणात राहीले असे ते म्हणाले .समाजात शिक्षकाला असलेले स्थान निष्कलंक असते म्हणुन अनेकाना शिक्षक व्हायची लहानपणापासूनच ईच्छा असते कारण ईतर क्षेत्रापेक्षा खुप मोठे कार्य या क्षेत्रात केले जावु शकते असे ते म्हणाले.
सुत्रसंचालन प्रा .डी. व्ही .जगताप यानी केले तर आभार प्रा जे एन खोमणे यानी मानले .
COMMENTS