मोरगाव दि २६
गोव्याचे मुख्यमंत्री प्रमोद सावंत आज मयुरेश्वर दर्शनासाठी मोरगांव ता. बारामती येथे आले होते . त्यांनी अभीषेक , पुजा करुन श्रींची आरती केली .
आज दि.२६ गोवा राज्याचे मुख्यमंत्री प्रमोद सावंत मयुरेश्वर दर्शनासाठी मोरगाव येथे आले होते . शिर्डी , व रांजणगाव येथील महागणपती दर्शनानंतर ते मोरगाव येथे निवडक कार्यकर्त्यांसमवेत आले होते. त्यांनी श्रींची अभीषेक पुजा व आरती करुन मंदिर परीसरातील विविध मुर्तींचे दर्शन घेतले . यावेळी पुजारी कौस्तुभ वाघ , गजानन धारक , महेश गाडे , भाजपाचे रवींद्र साळवे आदी उपस्थित होते . मुख्यमंत्र्यांनी मंदिर परीसरात झालेल्या विविध विकास कामांची पाहणी केली . मंदिरात असणारी स्वच्छता विषयी कौतुक केले .यानंतर चिंचवड देवस्थान ट्रस्टचे विश्वस्त विनोद पवार यांनी त्यांचा शाल व श्रींची प्रतीमा देऊन तर सरपंच निलेश केदारी यांनी श्रीफळ व श्रींची प्रतीमा देऊन सन्मान केला .
यावेळी उपस्थित पत्रकारांशी बोलताना त्यांनी सांगितले की गोवा राज्यात भाजपाचे स्पष्ट बहुमत असणारे सरकार येणार आहे . तसेच जनतेची सेवा करण्याची पुन्हा संधी मिळेल असे साकडे त्यांनी मयुरेश्वरास घातले .
COMMENTS