सोमेश्वर रिपोर्टर टीम-----
लोणंद : प्रतिनिधी
लोणंद पोलिसांनी दिलेल्या माहितीनुसार, दि.23.04.2022 रोजी सायंकाळी 5.00 वा.चे सुमारास महिला आरती सोमनाथ गायकवाड रा. पांढरी, तरडगाव ता. फलटण यांनी लोणंद पोलीस स्टेशनला फोन करुन " मी माझे लहान बाळाला जिवे मारुन पुरलेले आहे, तुम्ही लगेच गाडी पाठवा, नाहीतर मी आणखी दुस-या कोणाचा तरी खुन करीन " असे सांगितले वरुन लोणंद पोलीसांनी तात्काळ तिचेकडे जावुन चौकशी केली असता तिने तिचा पाच महिन्याचा लहान मुलगा कार्तिक सोमनाथ गायकवाड यास दिनांक 12.04.2022 रोजी दुपारी 2.00 वा.चे. सुमारास रहाते घरात ब्लँकेटमध्ये गुंडाळुन उशीने नाक तोंड दाबुन मारुन टाकुन खुन केला आहे म्हणुन लोणंद पोलीस स्टेशनला खुनाचा गुन्हा दाखल करण्यात आला आहे. गुन्हयातील महिला आरोपी सौ. आरती सोमनाथ गायकवाड हिला अटक करुन चार दिवस पोलीस कोठडी रिमांड घेतली असुन लहान बाळाचा खुन कोणत्या कारणासाठी करण्यात आला याचा तपास चालु आहे.
सदर झालेल्या खुनाचे घटनेचे गांभीर्य लक्षात घेवून अजयकुमार बंसल, पोलीस अधीक्षक सातारा, अपर पोलीस अधीक्षक, अजित बो-हाडे, व उपविभागीय पोलीस अधिकारी वाई शितल जानवे / खराडे यांनी तपासाबाबत योग्य त्या सुचना दिल्या असुन सदर गुन्हयाचा तपास सहायक पोलीस निरीक्षक विशाल वायकर हे करीत आहेत.
COMMENTS