सोमेश्वर रिपोर्टर टीम------
मोरगाव : प्रतिनिधी
बारामती तालुक्यासह पुरंदर तालुक्यात मुसळधार पाऊस काल दिनांक 17 रोजी रात्रभर कोसळत आहेत. यामुळे कऱ्हा नदीला पुर आला असून ओढे , नाले , तलाव , बंधारे ओसंडून वाहु लागले आहेत .याच पावसाचे पावसाच्या पाण्यामुळे ओढायला आलेल्या पुरात पांडेश्वर येथील एक 37 वर्षीय युवक वाहून गेला असल्याचे घटना आज घडली . या बाबत सविस्तर वृत्त असे की , रोमणवाडी येथील युवक अजय व्यंकट शिंदे वय वर्षे ३७ हा दुकानातील साहित्य खरेदी करण्यासाठी पांडेश्वर येथे आला होता. साहित्य खरेदी करून परत रोमनवाडी येथील घरी जात असताना ओढ्यातील पाणी वाढले . या पाण्याचा अंदाज न आल्याने तो वाहून गेला.
येथील स्थानिक तरुणांच्या साह्याने अजय याच्या मृत देहाचा शोध कार्य सुरू होते. काही तासानंतर याचा मृतदेह सापडला असल्याची माहिती पांडेश्वरचे पोलीस पाटील अरुण धुमाळ यांनी दिली.
