सोमेश्वर रिपोर्टर टीम------
सोमेश्वरनगर : प्रतिनिधी
विद्या प्रतिष्ठानचे सोमेश्वर इंग्लिश मिडीयम स्कूल व ज्युनिअर कॉलेज सी.बी.एस.ई वाघळवाडी या शाळेचा विद्यार्थी आदित्य दिपक पंडित शैक्षणिक वर्ष २०२२-२०२३ च्या इयत्ता आठवीच्या शिष्यवृत्ती परीक्षेत राज्य गुणवत्ता सी.बी.एस.ई गटातून पाचव्या क्रमांकावर आला होता. या गुणवत्ता यादीतील विद्यार्थ्यांचा सत्कार नुकताच पुणे जिल्हा परिषद, पुणे यांच्या वतीने अल्प बचत भवन पुणे येथे संपन्न झाला.
यावेळी महाराष्ट्र राज्याचे उपमुख्यमंत्री.अजित पवार यांच्या हस्ते आदित्यला मानचिन्ह व प्रमाणपत्र प्रदान करण्यात आले. शाळेचे मुख्याध्यापक सचिन पाठक यांनी आदित्यचे व त्याच्या पालकांचे अभिनंदन केले.
