भोर ! नसरापूरच्या नवसह्याद्री शिक्षण संस्थेत एमसीए अभ्यासक्रम सुरू होणार : कुलगुरू डॉ.सुरेश गोसावी उद्घाटनला उपस्थित राहणार

सोमेश्वर रिपोर्टर टीम-------

भोर : संतोष म्हस्के

पुणे सातारा महामार्गालगत नसरापूर ता. भोर येथे पुणे जिल्ह्यातील ग्रामीण भागात शिक्षण देणारी नवसह्याद्री शिक्षण संस्थेमध्ये चालूवर्षापासून एमसीए अभ्यासक्रम नव्याने सुरु होनार असून शुक्रवार दि.८  सावित्रीबाई फुले पुणे विद्यापीठाचे कुलगुरु डॉ.सुरेश गोसावी यांच्या प्रमुख उपथितीत अभ्यासक्रमाचे  उदघाटन होणार असल्याची माहिती एमबीए, एमसीए चे संचालक डॉ. तानाजी दबडे यांनी पत्रकार परिषदेत दिली.

       जिल्ह्यातील ग्रामीण भागातील विद्यार्थी शिक्षणापासून वंचित राहू नये या उद्देशाने संस्थापक अध्यक्ष पोपटराव सुके यांनी नायगाव-नसरापूर येथे नवसह्याद्री शिक्षण संस्थेची २०१० साली स्थापना केली. संस्थेमध्ये अभियांत्रिकी पदविका व पदवी, औषधनिर्माणशास्त्र पदविका, पदवी व पदव्युत्तर पदवी, मॅनेजमेंट, स्कूल व जुनिअर कॉलेज हे अभ्यासक्रम सुरु आहेत.चालूवर्षीपासून एमसीए अभ्यासक्रम नव्याने सुरु होत असून पुणे विद्यापीठाचे कुलगुरू डॉ.सुरेश गोसावी यांच्या शुभहस्ते या अभ्यासक्रमाचे उदघाटन शुक्रवार दि.८ केले जाणार आहे. उदघाटन महाविद्यालयाच्या छ. शिवाजी महाराज सभागृहात पार पडणार असून यावेळी पुणे विद्यापीठाचे व्यवस्थापन परिषद सदस्य रविंद्र शिंगणापूरकर, धोंडीराम पवार, पुणे विद्यापीठाचे सिनेट सदस्य राहुल पाखरे, नवसह्याद्री शिक्षण संस्थेचे अध्यक्ष पोपटराव सुके, ग्रुप डायरेक्टर सागर सुके, विविध महाविद्यालयांचे प्राचार्य उपस्थित राहणार असल्याचे कार्यक्रमाचे समन्वयक डॉ. सुहास पाखरे यांनी सांगितले.तर एमसीए अभ्यासक्रमासाठी १२० विद्यार्थी असून सर्व ऍडमिशन पूर्ण झालेले आहेत तसेच एमबीएसाठी २०७ विद्यार्थी असून पुणे जिल्ह्यात ऍडमिशन फुल झालेले पहिले विद्यालय आहे असेही डॉ.पाखरे यांनी सांगितले.