सोमेश्वर रिपोर्टर टीम-----
भोर : संतोष म्हस्के
भोर शहराचा विकास हाच ध्यास मनी धरून भोर नगरपरिषद हद्दीतील ८ कोटींच्या विविध विकास कामांचे भूमिपूजन आमदार संग्राम थोपटे यांच्या हस्ते शुक्रवार दि.१५ व १६ सकाळी ११ वाजता करण्यात आल्याने शहराचा सर्वांगीण विकास झपाट्याने होण्यास मोठी मदत होणार आहे.
विकास कामांमध्ये एसटी स्टँड बांधकाम करणे, शहरात पथदिवे व सौर- हायमास्ट बसवणे, विविध रस्ते कॉंक्रिटीकरण करणे, पेविंग ब्लॉक बसविणे,स्ट्रीट लाईट बसविणे, गटर करणे ,आरसीसी नाला करणे या कामांचा समावेश असून या विकास कामासाठी ७ कोटी ९३ लाख रुपयांचा निधी उपलब्ध झाला आहे. लवकरच या विकास कामांना सुरुवात होणार आहे. दरम्यान आमदार संग्राम थोपटे यांनी भोर शहरात विकास कामांचा मोठा धडाका लावल्याने नागरिकांकडून समाधान व्यक्त केले जात आहे. विकास कामांच्या भूमिपूजन प्रसंगी मुख्याधिकारी श्रीराम पवार, माजी सभापती बाळासाहेब थोपटे,गटनेते सचिन हर्नस्कर,माजी नगराध्यक्षा निर्मला आवारे,माजी उपनगराध्यक्ष समीर सागळे,नगरसेवक गणेश पवार,अमित सागळे,सुमंत शेटे,गणेश मोहिते, महिला अध्यक्ष गीतांजली शेटे, मुंबई बाजार समिती उप धनंजय वाडकर, भोर बा.स.सभापती आनंदा आंबवले,उपसभापती ईश्वर पांगारे,सदस्य अंकुश खंडाळे, प्रवीण शिंदे,आप्पा खुटवड, दीपक गायकवाड,राजेंद्र शेटे,अनिता गावडे ,ख.वि.संघ चेअरमन अतुल किंद्रे,मोहन जेधे,नितीन ओव्हाळ आदींसह नागरिक मोठ्या संख्येने उपस्थित होते.
