सोमेश्वर रिपोर्टर टीम---
वाई : प्रतिनिधी
वाई गणपती घाटाजवळ रोडच्या बाजूला व्यवसाय करणा-या लक्ष्मीकांत रंगराव जाधव रा. वाढेफाटा यांस तडीपार अक्षय गोरख माळी व वसंत ताराचंद घाडगे यांनी कोयत्याचा धाक दाखवुन व एअर गनने मारहाण करुन त्याच्या खिशातील रक्कम जबरदस्तीने दहशत माजवण्याच्या हेतुने घेऊन गेलेबाबत तक्रार पोलीस ठाणेस प्राप्त होताच वरील दोन तडीपास इसमांवर वाई पोलीस ठाणे गु.र.नं १९९/२०२४ भा.द.वि कलम ३९४,३४ सह म.पो.का.क १४२ अन्वये गुन्हा दाखल करण्यात आला.
सदर गुन्हा करणारे इसम हे गुरेबाजार झोपडपट्टीमध्ये लपुन बसलेबाबत वाई पोलीस ठाण्याचे पोलीस निरीक्षक जितेंद्र शहाणे यांस त्याच्या खास बातमीदारांमार्फत गोपनीय बातमी प्राप्त झाल्याने सदर ठिकाणी वाई पोलीस ठाण्याचे तपासपथकातील अंमलदार यांना पाठवुन आरोपीना ताब्यात घेण्याच्या सुचना दिल्याने त्यानुसार दोन्ही तडीपार इसमांना ताब्यात घेऊन पोलीस ठाण्यात आणुन त्याच्याकडे चौकशी केली असता त्यांनी गुन्ह्याची कबुली दिली. तसेच दोन पंचासमक्ष त्यांची अंगझडती घेतली असता, त्यांच्या ताब्यातुन रोख रक्कम, एअर गन, कोयता जप्त करण्यात आला असुन, त्यांना सदर गुन्ह्याचे तपासकामी अटक करण्यात आली आहे. सदर गुन्ह्यातील तडीपार इसम हे सराईत गुन्हेगार असुन त्यांच्यावर शरीराविरुध्दचे तसेच मालमत्तेविरुध्दचे गंभीर गुन्हे दाखल आहेत. वाई शहरात प्रचंड दहशत असणा-या या तडीपार इसमांना जेरबंद केले.
सदरची कारवाई ही पोलीस अधीक्षक समिर शेख, अप्पर पोलीस अधीक्षक आंचल दलाल उपविभागीय पोलीस अधिकारी वाई विभाग बाळासाहेब भालचिम यांचे मार्गदर्शनाखाली वाई पोलीस ठाणे प्रभारी अधिकारी जितेंद्र शहाणे पोलीस उपनिरीक्षक विपीन चव्हाण, सुधीर वाळुंज, पो.कॉ राम कोळी, प्रसाद दुदुस्कर, नितीन कदम, हेमंत, शिंदे, श्रावण राठोड, विशाल शिंदे यांच्या पथकाने केली आहे. पोलीस अधिक्षक समीर शेख, अप्पर पोलीस अधिक्षक आंचल दलाल मॅडम यांनी वाई तपासपथकाचे अभिनंदन केले आहे.