दिपाली गायकवाड : वाघळवाडी (बारामती)
मो. 91 75172 79915
हल्ली तर माझी कविता ही
नाकारू लागलीय लेखन ,
हाल सोसवेनात आता तिला
या अन्यायाला कधी लागणार वेसन ?
अरे, जिच्या उदरी जन्मलास
त्या नारीशक्तीचीच होतेय शिकार
माणुसकीच्या माणूसपणाचा ,
हितचं वाटतोय धिक्कार.
अजून कित्येक वर्ष तिने सहन
करायचा हा क्रूर पणाचा अन्याय ,
बीभत्सेच्या या नजरेतून तिला
कधी मिळणार न्याय ?
हिंसक श्‍वापदापेक्षाही दरिद्री तुझं वागणं ,
का ऐकू येत नाही तुला तिचं आर्त सांगणं ?
स्त्रीशक्ती चा अर्थ अजूनही कळला नाही या जगाला,
म्हणूनच स्त्रीवर अत्याचार करण्याचे धाडस होते या नराधमांना .
प्रत्येक स्त्रीचा प्रश्न आहे या जगाला ,
कधी मिळेल न्याय या प्रत्येक पिडितेला ?
कधी मिळेल न्याय या प्रत्येक पिडितेला?
