सोमेश्वर रिपोर्टर टीम------
शिरवळ : प्रतिनिधी
शिरवळ नजीक शिंदेवाडी-भोर रस्त्यावर दोन दुचाकी एकमेकांना समोरासमोर धडकून झालेल्या अपघातात दोन जणांचा मृत्यू झाला आहे. तर तीन जण गंभीर जखमी झाले आहेत.
नजीर जावेद पठाण वय 18, रा. होळ -साळोबावस्ती ता. बारामती जि पुणे व सचिन बळीराम मडावी वय 22 रा. कुरडी जि. गडचिरोली यांचा अपघातात मृत्यू झाला आहे. तर विश्वजित विठ्ठल खोमणे वय 19 रा. मुरूम ता. बारामती, वैभव नितीन भिसे वय 19 रा. होळ ता. बारामती व अमोल नामदेव लिगसे वय 20 रा.लक्ष्मीनगर जालना हे तिघे अपघातात गंभीर जखमी झाले आहेत.
होळ-साळोबावस्ती येथील तिन्ही युवक शिरवळ-शिंदेवाडी फाटा वरून बारामतीकडे येत असताना हा अपघात दि. ९ रोजी सायंकाळी ४ वाजण्याच्या सुमारास झाला आहे. जखमींवर शिरवळ येथील जोगळेकर हॉस्पिटलमध्ये उपचार सुरू आहेत. नजीर पठाण हा सोमेश्वरनगर येथील मु.सा.काकडे महाविद्यालयात इयत्ता अकरावीत शिकत होता. नजीर पठाण याच्या मृत्यूने होळ-मुरूम गावावर शोककळा पसरली आहे
