सोमेश्वर रिपोर्टर टीम-----
वडगाव निंबाळकर : प्रतिनिधी
चारचाकी गाडीच्या टपावर बसून स्टटंबाजी करत रिल्स बनवणे तरुणांना चांगलेच महागात पडले असून वडगाव निंबाळकर पोलिसांनी चौघांवर गुन्हा दाखल केला आहे.
याबाबत पोलिसांनी दिलेल्या माहितीनुसार, सोमवारी दि. ९ रोजी दुपारच्या वेळेत वडगाव निंबाळकर बस स्थानकामधील मोकळ्या जागेत हे तरुण चारचाकी गाडीच्या टपावर बसून रिल्स बनवत होते त्यामुळे त्यांच्यावर ही कारवाई करण्यात आली. सुजल याच्या ताब्यातील मोटार (एमएच-४२ बीएन-१२७४) अविचाराने, निष्काळपणाने चालवत स्वतः तसेच गाडीवर बसलेल्या लोकांच्या जीविताला धोका निर्माण होईल असे कृत्य केले. यश याने चालू गाडीच्या टपावर तर किशोर याने बाॅनेटच्या डाव्या बाजूस व अोंकार याने उजव्या बाजूस उभे राहत स्वतःसह इतर लोकांच्या जिविताला धोका निर्माण होईल असे कृत्य करत याचे चित्रीकरण करून सोशल मीडियावर प्रसिद्ध केले आहे.
--------------------------------
