सोमेश्वर रिपोर्टर टीम-----
मोरगाव : मनोहर तावरे
बारामती तालुक्यातील 'सुपा' येथे मका खरेदी करणाऱ्या एका व्यापाऱ्याचा विश्वास संपादन करून तब्बल 23 लाख 28 हजार रुपयांची फसवणूक झाल्याचा प्रकार समोर आला. या घटनेत पोलिसांच्या सतर्कतेमुळे अटक करण्यापूर्वी गुन्हेगार शरण आला. हे प्रकरण एवढ्यावरच थांबले नाही. तर ? व्यापाऱ्याला फसवणूक करून मिळवलेली सर्व पैसे परत केलेत. त्यामुळे पोलिसांचे परिसरातून कौतुक होत आहे.
याबाबत पोलीस सूत्रांनी दिलेल्या माहितीनुसार बारामतीच्या सुपा येथे समोर आला. बारामती कृषी बाजार समिती अंतर्गत येथे उप बाजार समिती कार्यान्वित आहे. येथून शेतकऱ्यांच्या मालाची खरेदी -विक्री केली जाते. येथे स्थानिक व्यापारी गौरव चांदगुडे यांनी सुपे पोलीस ठाण्यात दि.16 जुलै 2025 रोजी याबाबत सुपे पोलीस ठाण्यात तक्रार दाखल केली आहे.
नागपूर येथील इंडिया मार्ट या वेबसाईट द्वारे बारामतीच्या या व्यापाऱ्याने माहिती घेऊन सुरुवातीला 25 टन वजनाची एक गाडी मका खरेदी केली. हा पहिलाच व्यवहार अत्यंत पारदर्शक करून त्या सराईत व्यक्तीने सुपा येथील व्यापाऱ्याचा विश्वास संपादन केला. यामुळे अमोल ट्रेडर्स यांनी नागपूर येथील संबंधित व्यक्तीकडून 103 टन वजनाच्या तीन गाड्या मका खरेदीची नोंद केली.
या घटनेत संबंधित संशयित गुन्हा दाखल करण्यात आलेली व्यक्ती यांनी व्यापाऱ्याला वजन पावत्या सह बिल पेमेंट केल्याच्या पावत्या पाठवून दिल्या आहेत. मका भरलेल्या ट्रक गाड्या दोन दिवसात येणारी ती गाडी आलीच नाही. यातून आपली फसवणूक झाल्याचा प्रकार व्यापाऱ्याचे लक्षात आला.
या घटनेबाबत तत्काळ यांनी सुपा पोलीस ठाण्यात सहाय्यक पोलीस निरीक्षक मनोज कुमार नवसरे यांना माहिती देण्यात आली. यानंतर या प्रकरणातील पुढील प्रक्रिया सुरू झाली. सर्वत्र होणाऱ्या फसवणुक प्रमाणेच हा गुन्हा देखील असाच होता.
पुणे ग्रामीण पोलीस अधीक्षक संदीप सिंग गिल तसेच बारामती येथील अतिरिक्त पोलीस अधीक्षक गणेश बिरादार व उपविभागीय पोलीस अधिकारी सुदर्शन राठोड यांच्या मार्गदर्शनाखाली सुपे पोलिसांनी कामकाज सुरू केले. या प्रक्रियेत मुंबई उच्च न्यायालय व बारामती जिल्हा न्यायालयाने देखील मोठी मदत केली.
सुपे तील फसवणुकीच्या प्रकरणात आरोपीला अटक करून न्यायालयात हजर करणे हा प्रचलित व्यवस्थेचा एक भाग असला तरी ? अडचणीत असलेल्या व्यापाऱ्याला अडकलेली मोठी रक्कम वसुल करणे पुढील प्रक्रिया व्यापार करणे जीवघेणा होता.
सुपे पोलीस ठाण्यातील सहाय्यक पोलीस निरीक्षक मनोज कुमार नवसरे पोलीस उप निरीक्षक जिग्नेश कोळी रवींद्र मोहरकर यांच्या सह पोलीस हवलदार संदीप लोंढे,विशाल गजरे महिला पोलीस हवालदार मोहिते यांनी यामध्ये महत्त्वपूर्ण कामगिरी केली.
पोलिसांची सतर्कता... आणि पैसे वसूल
पोलिसांत गुन्हा दाखल झाल्यानंतर संशित आरोपीने प्रथम जिल्हा न्यायालय व नंतर मुंबई उच्च न्यायालयात अटकपूर्व जामीन साठी अर्ज केला होता. परंतु संबंधित संशयित व्यक्ती यांनी राज्यात व राज्याबाहेर अनेक मोठ मोठे गुन्हे केल्याचे पोलिसांनी माहिती मिळवली. याची योग्य मांडणी करून न्यायालयासमोर आरोपीला अटकपूर्व जामीन का ? देऊ नये हे पटवून दिले. संपूर्ण प्रकटीकरणात याच गोष्टीचा फायदा झाला. पोलिसांच्या तुरियामुळे अटक होण्यापूर्वीच आरोपीने व्यापाऱ्याचे सर्व पैसे परत केले.
