पुरंदर: प्रतिनीधी
जगभरात कोरोनाने हाहाकार घातला आहे. मुस्लिम धर्मियांचा पवित्र सण रमजान ईद सोमवारी साजरी होत आहे. त्या पार्श्वभूमीवर मोठ्या संख्येने मुस्लिम बांधव नमाजपठण करण्यासाठी एकत्रित येतात. यावर्षी कोरोनाचा वाढता प्रभाव पाहत लोकांनी एकत्रीतपणे नमाजपठण न करता घरातच नमाजपठण करावे असे आवाहन जेजुरी पोलीस स्टेशनचे सहाय्यक पोलीस निरीक्षक अंकुश माने यांनी केले आहे.
जाहिरात
मुस्लिम धर्मियांचा पवित्र महिना रमजान सुरू आहे. गेली ३० दिवस मुस्लिम बांधव व महिला रमजानचे रोजे (उपवास) करतात. दिवसभरात पाचवेळा घरातच नमाज अदा केले जात आहे. सोमवार दि.२५ मे रोजी रमजान ईद आहे. ईद निमित्त मोठ्या संख्येने मुस्लिम बांधव मशिदीत किंवा समोर येऊन नमाज अदा करतात. यावर्षी कोव्हिड१९ विषाणूचा प्रादुर्भावामुळे लॉकडाऊन झाल्याने लोकांनी एकत्रित येऊन असे धार्मिक कार्यक्रम करण्यास मज्जाव केला आहे. तरी जेजुरी पोलीस स्टेशनच्या हद्दीतील जेजुरी नगरपालिका, नीरा शहर, वाल्हासह अनेक गावांतील मुस्लिम बांधवांना ईद निमित्त एकत्रीत नमाज करु नये, स्वताच्या घरातच नमाजपठण करावे असे आवाहन करण्यात येत आहे.
जाहिरात
