गणेश मूर्तीचे विसर्जन कृत्रिम जलकुंभातच करावे
- मुख्याधिकारी किरणराज यादव
बारामती, दि. 31 :
अनंत चतुदर्शी रोजी श्रीगणेश मूर्तीचे विसर्जन कृत्रिम जलकुंभातच करण्याबाबतच्या मागदर्शक सूचना मुख्याधिकारी, बारामती नगरपरिषद, यांनी जारी केल्या असून घरच्या घरी गणेश मूर्तीचे विसर्जन करता यावे म्हणून बारामती शहरात घरोघरी विसर्जन रथ पोचतील त्यामध्येच मूर्तीचे विसर्जन करावे, अशा सूचनाही त्यांनी केल्या आहेत.
बारामती नगरपरिषदेमार्फत वाहनाद्वारे घरोघरी विसर्जन रथाची सुविधा उपलब्ध केलेली आहे. अथवा माघी गणेश विसर्जनावेळी व पुढील वर्षीच्या भाद्रपत महिन्यात गणेशमूर्तीचे विसर्जन करावे. नीरा डावा कालव्याचे पुढील आवर्तन केवळ पिण्याच्या पाण्यासाठीच येणार असल्याने तेथे यावेळी गणेश मूर्ती विसर्जन करता येणार नाही. क-हानदी पात्राचे सुशोभिकरण प्रस्तावित असल्यामूळे क-हानदी पात्रातही विसर्जन करता येणार नाही. त्यामुळे प्रदूषणमुक्त पर्यावरणाच्या व नागरिकांच्या सुरक्षेच्या दृष्टिकोनातून शहरातील व उपनगरातील प्रत्येक प्रभागामधील शाळा/समाज मंदिरे या ठिकाणी गणेशमूर्ती विसर्जनासाठी कृत्रिम जलकुंभाची व्यवस्था नगरपरिषद प्रशासनाने केली आहे.
तसेच सर्व गणेशभक्तांनी निर्माल्य व पूजेचे साहित्य निर्माल्य कलशामध्ये जमा करावे. श्रीगणेश मूर्तीचे विसर्जन कृत्रिम जलकुंभामध्ये करणे व गणेश मूर्ती नगरपरिषदेच्या कर्मचा-यांकडे प्रदान करावी, असे आवाहनही मुख्याधिकारी किरणराज यादव यांनी केले आहे.
फिरत्या रथाव्यतिरिक्त शहरातील कृत्रिम जलकुंभाची व्यवस्था पुढीलप्रमाणे केली आहे :- 1) धो.आ. सातव शाळा, जगताप मळा, कसबा 2) बा.न.प. शाळा क्र.2, कसबा, 3) महात्मा फुले समाज मंदिर पानगल्ली, 4) बा.न.प.शाळा क्र.3 सिध्देश्वर गल्ली, 5) क्षत्रिय नगर समाज मंदिर, टकार कॉलनी, 6) शाहू हायस्कूल पाटस रोड, 7) आर एन आगरवाल टेक. हायस्कूल, 8) बा.न.प. शाळा क्र. 5 शारदा प्रांगण, 9) म.ए.सो. हायस्कूल, बारामती, 10) रमाई माता भवन, टेलीफोन ऑफिस समेर आमराई, 11) मूक बधीर शाळा, कारभारी नगर कसबा, 12) जि.प. प्राथमिक शाळा, शारदा नगर, 13) चिंचकर शाळा, सपना नगर, 14) जि.प. प्राथमिक शाळा तांदूळवाडी, 15) जि.प.शाळा, जळोची क्षेत्रिय कार्यलयामागील, 16) सुर्यनगरी, मंडई शेजारील आंगणवाडी, 17) कविवर्य मोरोपंत शाळा, श्रीराम नगर, 18) देसाई इस्टेट जि.प.शाळा, 19) ढवाण वस्ती शाळा, मोरगाव रोड, 20) रयत भवन मार्केट यार्ड, 21) गावडे हॉस्पिटल शेजारी ,देवळे ईस्टेट मंगल कार्यालय, 22) राजगड हाईटस्, गाळा क्रृ 4, 5 फलटण रोड, 23) जि.प.शाळा जुनी सातव वस्ती, माळेगाव रोड, 24) जि.प.शाळा रुई, 25) विद्याप्रतिष्ठाण प्राथमिक शाळा रुई ग्रामीण हॉस्पिटल शेजारी, 26) तीन हत्ती चौक, बारामती.
COMMENTS