सोमेश्वरनगरला आजी माजी सैनिकाचे ध्वजारोहण : डॉ गायकवाड यांचे सैनिकांवरील पुस्तकाचे प्रकाशन
सोमेश्वरनगर : प्रतिनिधी
बारामती तालुका आजी माजी सैनिक संघ ,सोमेश्वरनगर यांच्या करंजेपुल येथील कार्यालयात प्रजासत्ताक दिन सोहळा संपन्न झाला.
तहसीलदार व जेष्ठ प्रशासकीय अधिकारी हनुमंत पाटील ,सोमेश्वर कारखाना अध्यक्ष पुरुषोत्तम जगताप ,माजी अध्यक्ष शहाजी काकडे, वीर पत्नी शीतल सुळ ,वीर पत्नी गडदरे, क्रिडा अधिकारी जगन्नाथ लकडे आदी मान्यवर उपस्थित होते. कोरोना काळात गरीब गरजु व परप्रांतीय कामगार याना किराणा सामान तसेच पुरग्रस्ताना मदती केल्याबद्दल बारामती तालुका पत्रकार संघ याचे प्रतिनिधी अध्यक्ष महेश जगताप ,करंजेपुल चे युवा कार्यकर्ते ऋषीकेश गायकवाड ,सरपंच वैभव गायकवाड, "एक हात मदतीचा " या संघटनेचे ॲड .नवनाथ भोसले, साद संवाद गृप चे शशीकांत जेधे व शंकर कोकरे ,वीर पत्नी शीतल सुळ ई चा विशेष सत्कार यावेळी करणेत आला या प्रसंगी लेखक डॉ दिनकर गायकवाड नीरा यानी सैनिकावर लिहिलेले पुस्तक बनवा बनवी याचे प्रकाशन वरील मान्यवर व कारगील योद्धा बाळासाहेब रासकर ,सैनिक संघटना अध्यक्ष बाळासाहेब शेंडकर ,अनिल शिंदे ,प्रशांत शेंडकर आदीच्या हस्ते करण्यात आले .
सत्काराला उत्तर देताना ऋषीकेश गायकवाड यानी सैनिक संघाने कौतुकाची थाप दिल्याने आम्हाला प्रोत्साहन मिळाले असेच काम भविष्यात करु अशी ग्वाही दिली . तहसिलदार हनुमंत पाटील , पुरुषोत्तम जगताप ,शहाजी काकडे, डॉ.दिनकर गायकवाड यानी सैनिक संघाच्या कार्याचे कौतुक केले. संघटनेच्या तक्रार निवारण समितीचे अध्यक्ष ॲड गणेश आळंदीकर यानी सुत्रसंचालन केले , संस्थापक जगन्नाथ लकडे यानी प्रास्ताविक केले तर आभार माजी सैनिक भगवान माळशिकारे यानी मानले .
COMMENTS