सोमेश्वर रिपोर्टर टीम-----
लोणंद तसेच बारामती पोलीस ठाणेकडील पाच कोटीच्या खंडणीच्या गुन्हयातील फरार आरोपीस तिरकवाडी ता फलटण येथुन लोणंद पोलिसांकडून अटक करण्यात आली.
याबाबत लोणंद पोलीस स्टेशनवरुन मिळालेली अधिक माहिती अशी की दिनांक ०५/०२/२०२१ रोजी डोंबाळवाडी ता.फलटण गावचे हददीतील सुळवस्तीवरील कॅनलच्या पुलावरुन अविनाश शामराव सोनवलकर रा.डोंबाळवाडी याचे अपहरण करुन पाच कोटीची खंडणी आरोपींनी मागितली होती.लोणंद पोलीस ठाणेस याप्रकरणी गुन्हा दाखल होता. यातील अपहरण झालेल्या व्यक्तीची लोणंद पोलीसांनी त्याच दिवशी फलटण येथुन संशयित आरोपी सुनिल लक्ष्मण दडस रा.दुधेबाबी ता. फलटण याचे प्लॅट मधुन सुटका केली होती. परंतु यातील आरोपी हे परागंदा झाले होते. तसेच सदर आरोपी यांनी बारामती शहर पोलीस ठाणे हददीत अश्याच प्रकारे पाच कोटी खंडणीकरीता एका इसमाचे अपहरण केले होते. यातील आरोपी हे गुन्हा घडलेपासुन फरार होते. आरोपींचे मागावर लोणंद पोलीस ठाणेच्या गुन्हे प्रकटीकरण पथकाची टिम
होती. लोणंद पोलीस ठाणेकडील खंडणीच्या गुन्हयातील फरार संशयित आरोपी प्रविण ऊर्फ सोन्या नवनाथ गुरव रा. तिरकवाडी ता.फलटण व बारामती शहर पोलीस ठाणेकडील खंडणीच्या
गुन्हयातील फरार संशयित आरोपी विशाल दिनकर नरवडे रा. न-हे जि.पुणे हे तिरकवाडी ता. फलटण येथे असल्याची गोपनिय माहीती लोणंद पोलीस ठाणेचे सपोनि विशाल वायकर यांना मिळाली होती त्यानुसार तात्काळ पोउनि गणेश माने व गुन्हे प्रकटीकरण पथकाने तिरकवाडी ता. फलटण येथे सापळा रचुन शिताफिने दोन्ही फरार आरोपींना ताब्यात घेतले आहे.
अजयकुमार बन्सल, पोलीस अधिक्षक सातारा, धिरज पाटील, अप्पर पोलीस अधिक्षक सातारा तानाजी बरडे उपविभागीय पोलीस अधिकारी , फलटण विभाग यांचे मार्गदर्शनाखाली लोणंद पोलीस ठाणेचे सहाय्यक पोलीस निरिक्षक विशाल वायकर,पोलीस उप-निरिक्षक , गणेश माने,गुन्हे प्रकटीकरण पथकाचे पोलीस नाईक संतोष नाळे, पोलीस कॉस्टेबल श्रीनाथ कदम, अभिजित घनवट, सागर धेंडे , अमोल पवार, ज्ञानेश्वर साबळे यांनी कारवाईत भाग घेतला.
