सोमेश्वर रिपोर्टर टीम------
ग्रामपंचायत करंजे ता. बारामती जि. पुणे येथील मागावर्गीय मुलांकरीता बांधलेली अभ्यासिका चोरीस गेली असल्याचे माहितीच्या अधिकारात उघड झाले आहे.
करंजे ता. बारामती येथील येथील रहिवासी असलेले राकेश गायकवाड यांनी माहिती अधिकारात माहिती मागावलेली होती. त्यांनी वडगाव निंबाळकर पोलिसांना दिलेल्या निवेदनात म्हटले आहे की, मागितलेल्या माहितीद्वारे त्यांना असे निदर्शनास आले की, ग्रामपंचायत करजे ता. बारामती जि. पुणे यांनी मागावर्गीय मुलांकरीता बांधलेली अभ्यासिका चोरीस गेलेली आहे. ग्रामपंचायत करंजे यांनी अभ्यासिकेच्या नावाखाली २,००,०५१ /- रुपयेचा निधी काढला आहे सदरची बिले व बांधकाम पूर्णत्वाचे मुल्यांकनपत्र या सोबत जोडत आहे. चोरीस गेलेल्या बांधकामाचे मुल्यांकन पंचायत समिती बारामती बांधकाम विभागाचे सब डिव्हिजन इंजिनिअर यांनी मुल्यांकन पत्र दिलेले आहे. परंतु सदर बांधकामाचा मी शोध घेतला असता आढळून आलेले नाही. सदर दिलेल्या तक्रारीचा व झालेल्या चोरीचा आपण सखोल तपास करून दोषींवर कायदेशीर कारवाई करावी असे निवेदनात म्हटले आहे.
