सोमेश्वर रिपोर्टर टीम-----
बारामती : प्रतिनिधी
उपमुख्यमंत्री अजित पवार यांचे विश्वासू सहकारी आणि बारामती नगरपालिकेचे ज्येष्ठ नगरसेवक किरण गुजर यांच्या गाडीला जेजुरीजवळ भीषण अपघात झाला. सुदैवाने अपघातानंतर गाडीच्या एअर बॅग उघडल्याने गुजर यांना दुखापत झाली नाही.
पुणे जिल्हा मध्यवर्ती सहकारी बँकेच्या निवडणुकीसाठी उपमुख्यमंत्री अजित पवार यांचा उमेदवारी अर्ज दाखल केल्यानंतर छाननीसाठी किरण गुजर आज पुण्याला गेले होते. काम आटोपून परत येत असताना जेजुरी जवळ समोर चालणाऱ्या एका गाडीला शाळकरी मुले आडवी आल्याने चालकाने अचानक ब्रेक दाबला त्यामुळे गुजर यांच्या ईनोवा गाडीने वाहनाला मागून धडक दिली. जोरदार धडक दिल्यामुळे गाडीच्या दोन्ही एअरबॅग उघडल्या गेल्या त्यामुळे सुदैवाने गुजर यांना कोणतीही दुखापत झाली नाही. मात्र गाडीचे मोठे नुकसान झाले आहे.
दरम्यान, किरण गुजर हे उपमुख्यमंत्री अजित पवार यांचे अत्यंत विश्वासू सहकारी म्हणून ओळखले जातात. अजित पवार यांच्या वेगवेगळ्या निवडणुका आणि त्याची रणनीती आखण्याची महत्वपूर्ण जबाबदारी गुजर पार पाडत असतात. त्यामुळे अपघाताच्या बातमीनंतर कार्यकर्त्यांमध्ये एकच खळबळ उडाली. खुद्द अजित पवार यांनी देखील तातडीने किरण गुजर यांच्याशी संपर्क साधत त्यांची विचारपूस केली. अपघातात आपल्याला कोणत्याही प्रकारची इजा झाली नसल्याने कार्यकर्त्यांनी काळजी करू नये असे आवाहन किरण गुजर यांनी केले आहे.
COMMENTS