सोमेश्वर रिपोर्टर टीम------
वाई : प्रतिनिधी
वाईच्या एमआयडीसीतील चांदणी चौकात अतिक्रमण करून उभारण्यात आलेल्या टपर्यान मध्ये बेकायदेशीर विना परवाना अमली पदार्थाची मोठ्या प्रमाणात विक्री होत होती हे समजताच त्यांनी डिबी पथकाला सापळा लावुन दणका देण्याचे आदेश दिले होते पथकाने दिलेल्या दणक्यात तब्बल १ किलो गांजा सापडल्याने एमआयडीसीतील चांदणी चौकात खळबळ उडाली आहे .
येथे सुरु असलेले अवैद्य धंदे रोखण्या साठी वाईच्या डिबी पथकाची करडी नजर असणार आहे अशा बेकायदेशीर व्यवसायीकांना तडीपार करण्या साठी वाई पोलिस ठाणे योजना आखत असल्याची माहिती वाई पोलिस ठाण्याचे पोलिस निरीक्षक बाळासाहेब भरणे यांनी दिली
एम.आय.डी.सी.वाई येथे पानटपरीमध्ये गांजा विक्री करणार्या रोहण शंकर सुर्यवंशी ( वय ३५, रा. बोपर्डी, ता. वाई ) याला पोलीसांनी रंगेहात पकडले. त्याच्याकडून ९६० ग्रॅम विक्री करीता आणलेला गांजा हा अमली पदार्थ हस्तगत करण्यात आला.
याबाबत पोलीस ठान्यातून मिळालेली माहिती अशी की, पोलीस निरीक्षक बाळासाहेब भरणे यांना त्यांचे खास बातमीदारामार्फत बातमी मिळाली की, चांदणीचौक एम.आय.डी.सी. वाई येथे असलेल्या निनावी पानटपरीमध्ये एक इसम बेकायदेशीररित्या गांजा या अमली पदार्थाची विक्री करीत आहे. त्यानंतर बाळासाहेब भरणे व गुन्हे प्रकटीकरण विभागाचे अधिकारी कर्मचारी यांनी मिळालेल्या माहीती नुसार सापळा लावून चांदणीचौकातील निनावी पानटपरीवर छापा टाकला असता एक पुरुष पानटपरीमध्ये त्याचे कब्जात कि.रु.६०००/-चा सुमारे ९६० ग्रॅम वजनाचा गांजा हा अंमली पदार्थ बाळगले स्थितीत मिळाली असून तो माल जप्त केलेला आहे.सदर बावत वाई पोलीस
स्टेशन येथे गुन्हा नोंद करण्यात आलेला आहे.सदर आरोपी रोहण शंकर सुर्यवंशी याला प्रथम वर्ग न्यायदंडाधिकारी वाई यांचे समक्ष हजर केले असता न्यायालयाने त्याची १५ दिवस न्यायालयीन कोठडी सुनावलेली आहे. गुन्हयाचा पुढील तपास बाळासाहेब भरणे हे करीत आहे.
सदरची कारवाई पोलीस अधीक्षक सातारा अजयकुमार बन्सल, अपर पोलीस अधीक्षक सातारा, अजित बो-हाडे, तानाजी बरडे,उप विभागीय पोलीस अधिकारी फलटण यांचे मार्गदर्शनाखाली बाळासाहेब भरणे, स.पो.नि.रविंद्र तेलतुंबडे, सहाय्यक पोलीस उपनिरीक्षक विजय शिर्के,महीला पोलीस नाईक सोनाली माने, पो.कॉ.किरण निंबाळकर,श्रावण राठोड,अमित गोळे,प्रसाद दुदुस्कर यांनी सहभाग घेतला होता.
COMMENTS