म्हाडा कॉलनीतील जुगार अड्ड्याची खोली मूळ मालकिणीच्या ताब्यात
बारामती दि ६
मागील दोन दिवसापूर्वी बारामतीचे उपविभागीय पोलिस अधिकारी गणेश इंगळे यांनी पथकामार्फत महाडा कॉलनी बारामती या ठिकाणी फारुख बबन बागवान याच्या पत्त्याच्या क्लब वर छापा मारून दहा लोकांना अटक केलेली होती.
सदर जुगार अड्डा खोली एका महिलेच्या मालकीची आहे. क्लब चालक फारुख बबन बागवान याने सदरची खोली दहा वर्षापूर्वी बळजबरीने. त्याच्या ताब्यात घेऊन. बेकायदेशीररित्या ताब्यात ठेवली होती. सदर खोली वारंवार तक्रार दर यांनी फारुक यांच्याकडे मागणी करूनही त्यांना दिली नाही.
उलट तीचे पती सरकारी नोकर असल्याने तीच्या पतीवर खोटा गुन्हा दाखल करण्याची धमकी दिली तसेच त्यांच्या मुलांचे जीवाचे बरे वाईट करू अशी धमकी दिली. त्यामुळे भीतीपोटी ते पुण्याला राहण्यास गेले होते. व त्या ठिकाणी फारुक बागवान याने पत्त्याचा जुगार सुरू केला होता.
सदर छाप्याची बातमी वाचून त्यांनी बारामती शहर पोलीस निरीक्षक सुनील महाडिक यांना वरील प्रमाणे हकीगत सांगितली असता त्यांनी तात्काळ त्या महिलेचा गुन्हा नोंद करून घेऊन फारुख बबन बागवान याला तात्काळ अटक करण्यात आली.
पोलिसांनी पोलिसी खाक्या दाखवताच फारुक बागवान यांनी तात्काळ खोली रिकामी करून दिली सदर तक्रारदार महिलेने पोलिसांचे आभार मानले. या गुन्ह्याचा तपास पोलीस हवालदार मोरे हे करत आहेत
