सोमेश्वर रिपोर्टर टीम-------
वाई : प्रतिनिधी
भर दिवसा वाई पोलिसांची नजर चुकवत वाई शहरातून बेकायदेशीर देशी दारुची पाचगणींच्या दिशेने जाण्यासाठी चोरटी वाहतूक करणारी मारुती कार व देशी दारुचे ८ बॉक्स असा एकूण ८३०४० रुपयांचा माल जप्त केला आहे. वाई पोलीस ठाण्यातील डिबी पथकाच्या पोलिस कर्मचार्यांनी कारवर झडप घालून ही धाडसी कारवाई केल्याने वाई शहरात एकच खळबळ उडाली आहे .
या प्रकरणी विकास भास्कर पिसाळ (वय २९ रा. बावधन ता. वाई) याला पोलिसांनी ताब्यात घेतले आहे.
य‍ाबाबत पोलिस ठाण्यातून मिळालेली माहिती अशी की, पोलीस निरिक्षक बाळासाहेब भरणे यांना त्यांचा खास बातमीदरा मार्फत बातमी मिळाली की, वाई शहरातील चावडी चौक ते वाई नगरपालीका कडे जाणार्या रस्त्यावरुन निळ्या रंगाच्या मारुती कार
क्रमांक (एमएच/०४/ एवाय/४९१०) मधून एक चालक विना परवाना देशी दारुची वाहतूक करीत आहे.अशी माहिती मिळताच त्यांनी त‍ातडिने डिबी पथकाचे प्रमुख असलेले सहाय्यक पोलिस उपनिरीक्षक विजय शिर्के यांना तातडीने त्यांचे सहकारी असलेले महिला पोलिस नाईक सोनाली माने कॉन्स्टेबल किरण निंबाळकर, श्रावण राठोड, प्रसाद दुदुस्कर या टिमला सोबत घेऊन सापळा लावुन सदर वाहनाचा शोध घेवून कारवाई करण्याचे आदेश दिले होते .
त्या नुसार डिबी पथकातील वरील सर्व पोलिस कर्मचारी सदर वाहनाचा वाई शहरात शोध घेत असताना कार विष्णू मंदिराचे समोरच दिसल्याने दुपारी १२.३५ वाजण्याच्या सुमारास कारवर पथकाने झडप घालून कार थांबवली आणी चालकाला बाहेर बोलावले व त्यास नांव पत्ता विचारुन त्याच्या ताब्यात मिळालेल्या मारुती कार क्रं. (एमएच/०४/एवाय/४९१०) ची झडती घेतली असता त्याचे पाठी मागिल शीटवर ४ देशी दारुचे बॉक्स व डीग्गी मध्येही ४ देशी दारुचे बॉक्स मिळून आले.सदर आरोपी कडून
६०००० रुपये किंमतीची मारुती कार व २३०४० रु. किंमतीच्या देशी दारुच्या बाटल्या हस्तगत करण्यात आलेल्या आहेत. आरोपी विरुध्द वाई पोलीस स्टेशनला गुन्हा नोंद करण्यात आलेला असून गुन्हयाचा तपास महिलाो पोलिस नाईक सोनाली माने या करीत आहेत.
सदरची कारवाई पोलीस अधीक्षक अजयकुमार बन्सल, अपर पोलिस अधीक्षक अजित बो-हाडे, वाईच्या डिवायएसपी श्रीमती शितल जानवे-खराडे व पोलिस निरिक्षक बाळासाहेब भरणे यांचे मार्गदर्शना खाली सहाय्यक पोलीस उपनिरीक्षक विजय शिर्के,महीला पोलीस नाईक सोनाली माने, पो.कॉ.किरण निंबाळकर,श्रावण राठोड,अमित गोळे, प्रसाद दुदुस्कर यांनी केली.
