सोमेश्वर रिपोर्टर टीम------
वाई ! प्रतिनिधी
किसन वीर सातारा साखर कारखान्याच्या अध्यक्षपदी जननायक आमदार मकरंद पाटील यांची बिनविरोध निवड करण्यात आली. आज मंगळवारी (दि 17) सकाळी साडे अकरा वाजता नवनिर्वाचित संचालक मंडळाची बैठक निवडणूक निर्णय अधिकारी तथा जिल्हा उप निबंधक सहकारी संस्था सातारा मनोहर माळी यांनी बोलावली होती. त्यामधे मकरंद पाटील यांच्या नावावर शिक्कामोर्तब करण्यात आले. तर उपाध्यक्षपदी प्रमोद भानुदास शिंदे यांची निवड करण्यात आली.
कारखान्याच्या अध्यक्ष उपाध्यक्ष निवडीसाठी संचालकांची मते जाणून घेण्यासाठी कालच सातारा जिल्हा बँकेत विधान परिषदेचे सभापती रामराजे नाईक निंबाळकर यांच्या अध्यक्षतेखाली बैठक झाली होती .
यावेळी आमदार मकरंद पाटील, जिल्हा बँकेचे अध्यक्ष नितीन पाटील, प्रमोद शिंदे, शशिकांत पिसाळ आदी सर्व संचालक उपस्थित होते. यावेळी झालेल्या चर्चेत अध्यक्ष उपाध्यक्ष निवडीचे सर्वाधिकार रामराजे नाईक निंबाळकर व आमदार मकरंद पाटील यांना संचालक मंडळाने दिले होते. ते दोघे घेतील तो निर्णय मान्य असेल असे सांगण्यात आलेले. त्याप्रमाणेच आज अध्यक्ष उपाध्यक्ष निवड किसन वीर नगर येथे करण्यात आली
