भोर प्रतिनिधी
पंचवार्षिक निवडणूकित विरोधकांचा धुव्वा- राजगड सहकार पॅनलचा १७ जागांवर विजय
राजगड सहकारी साखर कारखाच्या २०२१ -२२ च्या निवडणुकीत मतदार राजाने सत्याचा मार्ग अवलंबित विरोधकांचा चांगलाच धुव्वा उडविला असल्याने निवडणुकीतील ७ जागांवर राजगड सहकार पॅनल (काँग्रेस)चा दणदणीत विजय झाला आहे.यामुळे राजगड आमचा होता, आहे आणि पुढील काळात आमचाच राहणार असल्याचे प्रतिपादन आमदार संग्राम थोपटे यांनी आयटीआय येथील निकाल कक्षाच्या बाहेर उमेदवारांचे स्वागत करताना केले.
राजगड सहकारी साखर कारखान्याची निवडणूक एकूण १७ जागांसाठी लागली होती.निवडणूक प्रक्रियेत अर्ज माघार घेण्याचा दिवशी काँग्रेस पक्षाच्या १० जागा बिनविरोध झाल्या होत्या.तर ७ जागांसाठी काँग्रेस,राष्ट्रवादी काँग्रेस व भाजपा यांच्या तिरंगी लढत होत निवडणूक लागली होती.यात काँग्रेस बिनविरोध १० जागा तर निवडून ७ जागांवर आल्याने विरोधकांचा या निवडणुकीत चांगलाच धुव्वा उडाला आहे.काँग्रेसने १७ पैकी १७ जागांवर विजय मिळविल्याने राजगडचे शिलेदार थोपटेच ठरले आहेत.
काँग्रेसचे विजयी उमेदवार खालील प्रमाणे
संग्राम अनंतराव थोपटे, उत्तम थोपटे ,पोपट सुके, सुभाष कोंढाळकर, सुधीर खोपडे ,प्रताप शिळीमकर, दिनकर धरपाळे ,सोमनाथ वचकल ,दत्तात्रय चव्हाण, किसनराव सोनवणे, विकास कोंडे ,शिवाजी कोंडे, अशोक शेलार, सुरेखा निगडे ,शोभा जाधव, संदीप नगीने ,चंद्रकांत सागळे.
COMMENTS