उपमुख्यमंत्री अजित पवार यांच्या माध्यमातून 1 कोटी 20 लाख रूपये निधी मंजूर.
बारामती प्रतिनिधी
बाबूर्डी येथील कऱ्हा नदीवरील ढोपरेमळा बंधारा आणि साळोबा डोह बंधाऱ्यांच्या दुरुस्तीसाठी उपमुख्यमंत्री अजित पवार यांच्या माध्यमातून मंजूर झालेल्या 1कोटी 20 लाख रूपये किंमतीच्या कामाचे भूमिपूजन आज बारामती तालुका राष्ट्रवादी काँग्रेसचे अध्यक्ष तसेच पुणे जिल्हा मध्यवर्ती सहकारी बँकेचे संचालक संभाजी होळकर यांच्या शुभहस्ते तसेच जिल्हा परिषद सदस्य भरत खैरे, बारामती कृषी उत्पन्न बाजार समितीचे संचालक बाळासाहेब पोमणे, जेष्ठ मार्गदर्शक रामभाऊ आण्णा ढोपरे, हौशिराम पोमणे, तंटामुक्ती समितीचे माजी अध्यक्ष नानाभाऊ लडकत, आण्णा तात्या लव्हे यांच्या प्रमुख उपस्थितीत पार पडला. यामध्ये ढोपरेमळा येथील बंधारा दुरूस्ती साठी 81 लाख 69 हजार 914 रुपये तर साळोबाडोह बंधारा दुरूस्ती साठी 38 लाख 51 हजार 166 रूपये निधी उपलब्ध झाला असून यामध्ये मागील वेळी कऱ्हा नदीला आलेल्या पुरामूळे बंधाऱ्यांचे मोठे नुकसान झाले होते या निधीतून हे दोन्हीही बंधारे दुरुस्त केले जाणार आहेत. यावेळी सरपंच ज्ञानेश्वर पोमणे, उपसरपंच दिपाली जगताप, ग्रामपंचायत सदस्य दत्तात्रय ढोपरे, मंगल लव्हे,मनिषा बाचकर, बाबुर्डी विविध कार्यकारी सहकारी सोसायटीचे चेअरमन शांताराम ढोपरे, माजी सरपंच अंकुश लडकत, दिलीप पोमणे, राजकुमार लव्हे, संतोष पोमणे, लक्ष्मण पोमणे, गोरख खोमणे, गोविंद बाचकर, हनुमंत गायकवाड, भाऊसाहेब ढोपरे तसेच पाटबंधारे विभागाचे सर्व पदाधिकारी व ग्रामस्थ उपस्थित होते.
