सोमेश्वर रिपोर्टर टीम-----
सोमेश्वरनगर : प्रतिनिधी
श्री सोमेश्वर सहकारी साखर कारखान्याच्या आस्थापनापैकी शासनाने निर्धारित केलेल्या मागासवर्गीयांच्या शिल्लक जागा राहिलेला अनुशेष भरण्यासाठी आज दि २६ रोजी कारखान्याचे अध्यक्ष पुरुषोत्तम जगताप, उपाध्यक्ष आनंदकुमार होळकर, कार्यकारी संचालक राजेंद्र यादव तसेच सर्व संचालक मंडळ यांचेकडे अर्ज करण्यात आला.
त्यावेळी सर्व संचालक मंडळ यांनी लवकरात लवकर माहिती घेऊन लवकरात लवकर पुढील कार्यवाही करण्याचे आश्वासन दिले. त्यासाठी संचालक संग्राम सोरटे, प्रवीण कांबळे व ऋषी गायकवाड यांनी पुढाकार घेऊन लवकरात लवकर माहिती घेतो असे सांगितले.
यावेळी करंजे गावचे माजी उपसरपंच बुवासाहेब हुंबरे, नींबूत गावचे माजी सरपंच राजकुमार बनसोडे, करंजे गावचे उपसरपंच बाळासाहेब शिंदे, शिवसेनेचे विभाग प्रमुख बंटी गायकवाड, निवृत्त पोलीस अधिकारी अनिल गायकवाड, मुरूम गावचे सचिन सोनवणे, बारामती तालुका राष्ट्रवादीचे सरचिटणीस अनंतराव मोकाशी, भारत मुक्ती मोर्चाचे तालुकाध्यक्ष संतोष भिसे, युवा कार्यकर्ते रणजीत हुंबरे, हर्षवर्धन हुंबरे उपस्थित होते.
