सोमेश्वर रिपोर्टर टीम------
बारामती : प्रतिनिधी
राज्य निवडणूक आयोगाने ग्रामपंचायत सार्वत्रिक निवडणूक सन २०२२ चा कार्यक्रम जाहीर केला असून १८ डिसेंबर रोजी मतदान प्रक्रिया पार पडणार आहे.
बारामती तालुक्यात एकूण १३ ग्रामपंचायतीत सार्वत्रिक निवडणूक होणार आहे. मोरगाव, वाघळवाडी, पणदरे, मुरुम, वाणेवाडी, गरदडवाडी, सोरटेवाडी, कुरणेवाडी, सोनकसवाडी, काऱ्हाटी, लोणी भापकर, मासाळवाडी व पळशी अशा एकूण १३ ग्रामपंचायतीत सार्वत्रिक निवडणूक होणार आहे.
२८ नोव्हेंबर ते २ डिसेंबर २०२२ या कालावधीत सकाळी ११.०० ते दुपारी ३.०० वाजेपर्यंत तहसिल कार्यालय, बारामती येथे नामनिर्देशन फॉर्म दाखल करता येतील. हे फॉर्म ऑनलाईन पद्धतीने दाखल करावे लागणार आहेत. आज सरपंच पदासाठी मोरगाव येथील २, वाघळवाडीचे ४, व पणदरे येथील २ तर सदस्य पदासाठी मोरगाव येथील १ व पणदरे येथील ३ असे एकूण १२ फॉर्मस दाखल झाल्याची माहिती तहसिलदार विजय पाटील यांनी दिली आहे.
बारामती तालुक्यातून सरपंचपदासाठी ८ उमेदवारी अर्ज दाखल झाले आहेत. यातील एकट्या वाघळवाडीतून चार उमेदवारी अर्ज दाखल झाले आहेत. मुरूम, वाणेवाडी व सोरटेवाडीसाठी एकही अर्ज दाखल झाला नाही.