सोमेश्वर रिपोर्टर टीम------
सासवड : प्रतिनिधी
पीएमपीच्या बसला बोपदेव घाटाजवळ अपघात झाला. पुण्याहून सासवडच्या दिशेने जाणाऱ्या बस वरील चालकाचे नियंत्रण सुटल्यामुळे बस गाडी थेट रस्त्याशेजारी असलेल्या शेतामध्ये घुसली असून यामध्ये १५ प्रवासी किरकोळ जखमी झाले आहेत. बोपदेव घाटाजवळ जवळ असलेल्या गराडे गावात हा अपघात झाला.
कात्रज आगारातून आज रविवारी (दि. १८) सायंकाळच्या सुमारास प्रवाशांना घेऊन पीएमपी बस सासवडच्या दिशेने जात असताना बोपदेव घाट उतरल्यानंतर चालकाचे नियंत्रण सुटले आणि प्रवाशांसह बस रस्त्याशेजारील शेतात घुसली. यावेळी बसमध्ये २० ते ३० प्रवासी होते. त्यापैकी १५ प्रवाशांना किरकोळ जखमा झाल्या असल्याचे सांगितलं जातं आहे. या अपघाताची माहिती मिळताच माजी राज्यमंत्री विजय शिवतारे, पीएमपीचे मुख्य वाहतूक व्यवस्थापक दत्तात्र्यय झेंडे यांनी घटनास्थळी जात अपघात झालेल्या बसची पहाणी केली.
COMMENTS