सोमेश्वर रिपोर्टर टीम-----
पुणे : प्रतिनिधी
चिंचवड मतदार संघाचे आमदार लक्ष्मण जगताप हे यांचे आज, मंगळवारी सकाळी बाणेर येथील रुग्णालयात निधन झाल्याचे त्यांच्या निकटवर्तीयांनी सांगितले. जगताप यांच्या निधनामुळे पिंपरी चिंचवड शहरात तसेच चिंचवड मतदार संघात शोककळा पसरली आहे.
कसबा मतदारसंघ आमदार मुक्ता टिळक यांच्या निधनानंतर भाजपला जगताप यांच्या निधनामुळे दुसरा धक्का बसला. अनेक दिवसांपासून ते आजारी होते. त्यांची प्रकृती साथ देत नव्हती. काही दिवसांपूर्वी पुन्हा त्यांची प्रकृती खालावली होती.त्यांच्यावर खासगी रुग्णालयात उपचार सुरू होते.
