सोमेश्वर रिपोर्टर टीम------
सुपे : प्रतिनिधी
बारामती कृषि उत्पन्न बाजार समितीच्या सुपे येथील उपबाजारात शनिवार ( दि. १८ ) पासुन चिंचेच्या लिलावास सुरू होत आहे. त्यामुळे शेतक-यांनी आपली चिंच स्वच्छ, वाळवुन व चांगल्या पॅकींग मध्ये आणावी असे आवाहन बाजार समितीच्यावतीने करण्यात आले आहे.
सुपे उपबाजार ही चिंच लिलावासाठी प्रसिद्ध अशी जुनी बाजारपेठ आहे. त्यामुळे बारामती तालुक्यासह शिरूर, दौंड, पुरंदर, फलटण, श्रीगोंदा, इंदापुर, भोर इत्यादी तालुक्यातुन तसेच राज्यातील इतर जिल्ह्यातुन शेतकरी चिंच विक्रीसाठी येत असतात.
दरम्यान चिंचेचे लिलाव दर शनिवारी सकाळी ११.०० वाजता सुरू होतात. त्यामुळे शेतक-यांनी आपला माल लिलावापुर्वी आणावा. मागिल वर्षीच्या हंगामात सुमारे ४७ हजार ६०० पोत्यांची आवक झाली होती. त्यावेळी अखंड चिंचेला सरासरी २१०० रुपये तर फोडलेल्या चिचेला सरासरी ६५०१ रुपये बाजार मिळाल्याची माहिती बाजार समितीकडुन देण्यात आली.
चिंच खरेदीसाठी बारामती, पुणे, बार्शी, तुळजापुर, लातुर, औरंगाबाद, हैद्राबाद आदी भागातुन खरेदीदार येत असतात अशी माहिती बाजार समितीचे सचिव अरविंद जगताप व प्रशासक मिलींद टांकसाळे यांनी दिली.
