वाई ! वाई व भुईंज पोलिसांची दमदार कामगिरी : खानापूर खून प्रकरणातील आरोपींच्या रत्नागिरी येथून आवळल्या मुसक्या

सोमेश्वर रिपोर्टर टीम------

वाई : प्रतिनिधी

२ फेब्रुवारी २०२३ रोजी सायंकाळी ५.०० वा.चे. सुमारास मौजे चांदक, ता. वाई गावचे हददीतुन अभिषेक रमेश जाधव, रा. खानापुर याचे ३ इसमांनी अपहरण केले होते. त्याबाबत तो ज्यांचेकडे वेल्डींगचे कामास होता त्यांनी त्यास किडनॅप केलेबाबत भुईंज पोलीस स्टेशन येथे फिर्याद दिली होती. फिर्यादीवरुन गुरनं ५५ / २०२३ कलम ३६३, ५०६, ३४ प्रमाणे दाखल करण्यात आला होता.

दरम्यान सदर किडनॅप झालेल्या मुलाचा तसेच संशईत आरोपींचा भुईंज तसेच वाई पोलीस अधिकारी व अंमलदार यांनी त्यांचे हददीत शोध घेत असताना ३ फेब्रुवारी २०२३ रोजी रात्री ०१.३० वा. चे सुमारास तो शेंदुरजणे ता. वाई गावचे हददीत जखमी अवस्थेत मिळुन आला. त्यास उपजिल्हा रुग्नालय वाई येथे औषधोपचारकामी दाखल केले असता डॉक्टरांनी त्यास पुढील उपचारकामी सातारा येथे पाठवले. सातारा येथील एका खाजगी रुग्नालयात उपचार घेत असताना अभिषेक जाधव हा पहाटे ०५.०० वाजणेचे दरम्यान मयत झाला होता. वाई पोलीस स्टेशनचे पोनि. बाळासाहेब भरणे, भुईंज पोलीस स्टेशनचे सपोनि रमेश गर्जे, तसेच भुईंज पोलीस स्टेशन व जिल्हयातील गुन्हे प्रकटीकरण शाखेचे अधिकारी व अंमलदार यांनी गुन्हयाचे घटनास्थळी भेट दिली. दरम्यान स्थानिक गुन्हे शाखा सातारा तसेच भुईंज पोलीस स्टेशनच्या संयुक्त पथकाने गुन्हयाचा जलदगतीने तपास करताना घटनास्थळाकडे येणारे जाणारे सर्व रस्ते / आरोपींच्या जाण्या येण्याच्या मार्गावरील सीसीटीव्ही फुटेज तपासुन सर्वप्रथम

गुन्हयातील अज्ञात ३ आरोपी निष्पन्न केले. आरोपींच्या ठावठिकाण्याबाबत माहिती प्राप्त केली असता संशयीत आरोपी हे

पोलादपुर मार्गे कोकणात गेल्याची विश्वसनीय माहिती प्राप्त झाली. त्याप्रमाणे तपास पथकाने गुन्हा घडलेल्या रात्रीपासुन रायगड तसेच रत्नागिरी जिल्हयात आरोपींचा शोध घेतला असता दि.३ रोजी रात्री सदर आरोपी हे दापोली परिसरात असल्याची गोपनीय माहिती माहिती प्राप्त झाली. स्थानिक गुन्हे शाखा तसेच भुईंज पोलीस स्टेशनच्या संयुक्त तपास टीमने दापोली परिसरात संपुर्ण रात्रभर कसोशीने शोध घेतला. त्यानंतर दि. ४ रोजी दुपारी गुन्हयातील २ आरोपी तसेच १ विधीसंघर्षग्रस्त बालक हे दापोली पोलीस स्टेशन हददीतील कर्दे बीच परिसरात दिसुन आल्याने त्यांना पकडण्यात सदर तपास पथकास यश आले असून गुन्हयाचा तपास पोलीस निरीक्षक बाळासाहेब भरणे हे करीत आहेत.

आरोपींची नावे ...

1) रहीम रसूल मुलाणी वय 19 

2) प्रज्वल विजयकुमार जाधव वय 19 

3) विधी संघर्षग्रस्त बालक