सोमेश्वर रिपोर्टर टीम-------
सोमेश्वरनगर : प्रतिनिधी
बारामती तालुक्यातील वाघळवाडी गावातील आंबामाता महिला ग्रामसंघ यांनी महिला दिनाच्या औचित्य साधत २२० महिलांनी सोमेश्वर साखर कारखान्याला भेट देत कारखान्याची माहिती समजून घेतली.
गावातील ज्या शेतकरी महिला आहेत त्यांनी पिकवलेला ऊस कशा प्रकारे गाळप होतो व त्यापासून कशी साखर तयार होते हे पाहण्यासाठी खूप महिला उत्सुकतेने आल्या होत्या. त्यांनी आजपर्यंत कधीच सोमेश्वर साखर कारखाना पाहिलेला नव्हता आपण एवढ्या कष्टाने ऊस पिकवतो पण त्या पिकाच नक्की काय होतं हे माहित नव्हतं फक्त साखर तयार होते हेच माहीत होतं पण ती साखर कशी व कशा पद्धतीने तयार होते साखर प्रक्रिया अनुभवताली गावातील काही लोक कारखान्यात कामाला आहेत ते नक्की काय व कशा प्रकारे काम करतात हेही त्यांना पहावयास मिळाले. त्यांनी कारखाना पाहून समाधान व्यक्त केले व आजपर्यंत आम्हाला कधीच पाहिला मिळालेला नव्हता कारखाना तो वाघळवाडीतील अंबामाता महिला ग्राम संघ बचत गटाच्या माध्यमातून पाहण्यास मिळाला.
अंबामाता मंदिर वाघळवाडी या ठिकाणी महिलांच्या रॅली पद्धतीने सर्व महिला चालत सोमेश्वर सहकारी साखर कारखाना या ठिकाणी आल्या.
सोमेश्वर कारखान्याचे चेअरमन पुरुषोत्तम जगताप, व्हा.चेअरमन.प्रणिता खोमणे, कार्यकारी संचालक.राजेंद्र यादव अधिकारी, श्री निंबाळकर व प्रशांत कदम कामगार वर्ग यांचे मोठे सहकार्य लाभले. महिला दिनाच्या औचित्य साधत माजी सरपंच व अंबामाता महिला ग्राम संघाचे अध्यक्ष नंदाताई सकुंडे, राष्ट्रवादीच्या बारामती तालुका महिला सरचिटणीस सुचिता साळवे व उद्योजिका सौ. घाडगे यांनी चांगल्या प्रकारे महिलांचे नियोजन केले.
यावेळी उपसरपंच.गणेश जाधव व सदस्य.तुषार सकुंडे तसेच गावातील सर्व बचत गटांच्या अध्यक्ष, उपाध्यक्ष, सचिव, सर्व बचत गटातील महिला सदस्य उपस्थित होते.