वाई ! सव्वा लाख रुपयांच्या अवैध लाकुड वाहतूक प्रकरणी एकावर गुन्हा दाखल : वनविभागाची कारवाई

सोमेश्वर रिपोर्टर टीम-------

वाई : प्रतिनिधी 

कवठे ता वाई गावाचे हद्दीत सातारा-पुणे महामार्ग लगत सर्व्हिस रोडवर फिरती तपासणी करीत असता आरोपी विठ्ठल बाबुराव पवार रा. कवठे ता. वाई जि.सातारा हे स्वराज 744 FE कंपनीचाक्र.MH-11 U 3546 या क्रमांकाच्या ट्रक्टर मधून रायवळ प्रजातीचा अनगड लाकुडमाल १०.२३ घ.मी. विनापास, विनापरवाना वाहतूक करीत असताना पकडला त्यानुसार अवैध वाहतूक केल्याप्रकरणी भारतीय वनअधिनियम १९२७ चे कलम 41(ब) चे उल्लंघन झालेने वनरक्षक बोपेगाव यांनी विनापरवाना वाहतुकीचा वन गुन्हा नोंद केला आहे. सदर कारवाई मध्ये सुमारे एक लाख तेहतीस हजार नऊशे अठ्ठावीस रुपये किंमतीचा मुद्देमाल जप्त करण्यात आला असून पुढील तपास चालू आहे. सदरची कारवाई मा.उपवनसंरक्षक सातारा उत्तम सावंत सो, सहाय्यक वनसंरक्षक श्री.महेश झांजुर्णे सो, यांचे मार्गदर्शनाखाली वाई वनविभागाच्या वनपरिक्षेत्र अधिकारी स्नेहल मगर मॅडम, वनपाल भुईंज डी.एन. व्हनमाने, वनरक्षक बोपेगाव व्ही एम चौरे यांनी सदरची कारवाई पार पाडली.