सोमेश्वर रिपोर्टर टीम-----
वाई : प्रतिनिधी
२४ फेब्रुवारी २०२३ रोजी सकाळी ११.०० ते सायकाळी ०६.३० वाजणेचे दरम्यान फिर्यादी शुभांगी संजय साबळे, रा. उडतारे या शेतात गेल्या असताना कोणीतरी अज्ञात चोरटयाने देवळीत ठेवलेली घराची चावी घेवुन घरातील कपाटातील सोन्या चांदीचे दागिने व रोख रक्कम चोरुन नेली होती.
याबाबत भुईंज पोलीस ठाणे गु.र.नं.८२/२०२३ भा.द.वि. कलम ४५४, ३८० प्रमाणे गुन्हा दाखल करण्यात आला होता. सदर गुन्हयाच्या तपासादरम्यान मौजे उडतारे गावातीलच योगेश संदीप बाबर, वय- १९ वर्षे, रा. उडतारे या अभिलेखावरील गुन्हेगाराने केला असल्याची विश्वसनीय माहिती प्राप्त झाली. त्याप्रमाणे त्यास गुन्हयात अटक करुन विचारपुस केली असता त्याने सदरचा गुन्हा केल्याचे कबुल करुन चोरी केलेले सोन्या चांदीचे दागिने त्याचा मामा रमेश दिनकर दुदुस्कर,रा.सोनगाव याचेकडे विक्रीसाठी दिल्याचे सांगीतले. त्याप्रमाणे त्याच्या मामाला गुन्हयात अटक करुन त्यांचेकडे सखोल तपास केला असता नमुद दोन्ही आरोपींकडुन भुईंज पोलीस ठाणे हददीत घडलेला आणखी एक घरफोडी चोरीचा गुन्हा तसेच भुईंज पो स्टे २, वाई पो स्टे १, शिरवळ पो स्टे १ असे मो सा चोरीचे ४ गुन्हे उघड करण्यात आले आहेत. गुन्हयातील अटक आरोपींकडे आणखी सखोल तपास केला असता त्यांनी मेढा तसेच सातारा तालुका पोलीस स्टेशनच्या हददीतील मोटारसायकल चोरी करणा-या आरोपींबाबत माहिती दिल्याने सदर परिसरातील २ संशयीत आरोपींना ताब्यात घेवुन त्यांचेकडे तपास केला असता त्यांनी सातारा तालुका पो स्टे २ व मेढा पो स्टे - २ अशा ४ मोटारसायकल चोरीच्या गुन्हयांची कबुली देवुन चोरीच्या मो सा काढुन दिल्या आहेत. अशा प्रकारे गुन्हयाचे तपासादरम्यान घरफोडी चोरीचे २ गुन्हे उघड करुन २ लाख ३० हजार रुपये किमतीचे ४ तोळे ५ ग्रॅम वजनाचे सोन्याचे दागिने व ४० ग्रॅम वजनाचे चांदीचे दागिने तसेच मोटारसायकल चोरीचे ८ गुन्हे उघड करुन ४ लाख रुपये किमतीच्या ८ चोरीच्या मोटारसायकल असा एकुण ६ लाख ३० हजार रुपये किमतीचा मुददेमाल जप्त करण्यात आला आहे. भुईंज पोलीस स्टेशनचे सपोनि रमेश गर्जे, पोलीस उप-निरीक्षक रत्नदीप भंडारे, पोलीस अंमलदार बापुराव धायगुडे, जितेंद्र इंगुळकर, आनंदा भोसले, शंकर घाडगे, रविराज वर्णेकर, सागर मोहिते, सोमनाथ बल्लाळ, सचिन नलवडे यांनी या कारवाईत सहभाग घेतला.
COMMENTS