सोमेश्वर रिपोर्टर टीम-----
भोर : संतोष म्हस्के
भोर बस स्थानकातील दुरावस्था पाहता नागरिकांना तसेच शालेय विद्यार्थ्यांना अनेक समस्यांना दैनंदिन तोंड द्यावे लागत आहे.बसस्थानकात नागरिकांची होणारी गैरसोय पाहता लवकरच निधी उपलब्ध करून बसस्थानक सुसज्ज बनवणार असल्याचे प्रतिपादन आमदार संग्राम थोपटे यांनी केले.
भोर आगारामधून चिखलगाव-वाशी-कोपरखैरणे एस.टी.बस सेवेचा शुभारंभ सोमवार दि.९ करण्यात आला.यावेळी आमदार थोपटे बोलत होते. तालुक्याक्या पश्चिमेकडील नाझरे,आंबवडे, कर्णावड, रावडी, चिखलगाव, टिटेघर,वडतुंबी, कोर्ले,म्हाकोशी या भागातील बहुतांशी राहिवाशी नवी मुंबई(वाशी) कोपरखैरणे,पनवेल व मुबंईच्या अन्य भागात वास्तव्यास आहेत.नागरिकांना सणानिमित्त व इतर कार्यक्रमाना ये-जा करण्यासाठी या मार्गांवरील एस.टी.बसची सेवा बंद असल्यामुळे त्यांची गैरसोय होत होती.आमदार संग्राम थोपटे यांनी नागरिकांची गैरसोय लक्षात घेता अगर व्यवस्थापकांना सूचना देऊन तात्काळ या मार्गांवरील एस.टी.बस सेवा पूर्ववत केली.यावेळी उपनगराध्यक्ष समीर सागळे, नगरसेवक गणेश पवार,आगार व्यवस्थापक प्रवीण बांद्रे,खरेदी विक्री संघाचे संचालक दिलीप वरे,सुभाष कोंढाळकर, आनंदराव धोंडे, पांडुरंग धोंडे, सुखदेव कुंभार ,कांता शिवतरे , मारूती धोंडे,संघटना जिल्हाध्यक्ष मोहन जेधे,बंडू खोपडे,भाऊ जाधव आदींसह नागरिक उपस्थित होते.
