भोर ! नीरा नदी पात्रात अनोळखी इसमाचा मृतदेह आढळला : सारोळा येथील घटना

सोमेश्वर रिपोर्टर टीम-----

भोर : संतोष म्हस्के

पुणे-सातारा महामार्गालगत सारोळा गावच्या हद्दीत असलेल्या नीरा-नदी पात्रात अनोळखी उतार वयीन इसमाचा मृतदेह सापडला असून घटना  गुरुवार दि.१२ रोजी उघडकीस आली.

        राजगड पोलिसांनी दिलेल्या माहिती नुसार गुरुवार दी.१२ रोजी सकाळी १० वाजता वैकुंठ स्मशानभूमी लगत असणाऱ्या नीरा नदीपात्रामध्ये एका व्यक्तीचा मृतदेह तरंगत असल्याची माहिती राजगड पोलीस स्टेशनला मिळाली असता घटनास्थळी पोहचत पोलिसांनी मृतदेहाचा पंचनामा करून मृतदेह शवविच्छेदनासाठी भोर येथील उपविभागीय रुग्णालयात पाठविले. संबंधित व्यक्ती पाण्यात बुडून मृत्यू झाल्याचे स्पष्ट झाले आहे. सदर मृतदेहाचे वर्णन,सडपातळ बांधा, रंग गहुवर्निय गोरा, वय ५५-६०, अंगावर पांढऱ्या रंगाचा पायजमा व हिरव्या पिवळ्या रंगाचा  लाईनीचा शर्ट असे वर्णन आहे.तरी राजगड पोलीस स्टेशनने आवाहन केले आहे.अशा वर्णनाची कोणी व्यक्ती काही दिवसांपासून गायब असल्यास राजगड पोलीस स्टेशनशी संपर्क साधावा. या घटनेचा पुढील तपास राजगड पोलीस स्टेशनच्या अंतर्गत येणाऱ्या किकवी चौकीचे पोलीस नाईक नाना मदने करीत आहेत.