सोमेश्वर रिपोर्टर टीम------
मेढा : ओंकार साखरे
स्वातंत्र वीर सावरकर यांच्या बद्दल अपमान कारक वक्तव्य करणाऱ्या काँग्रेसच्या प्रियांक खर्गे यांच्या निषेधार्थ जावली तालुका भारतीय जनता पार्टीचे वतीने मोर्चा काढून तहसिलदार हणमंत कोळेकर यांना निवेदन देण्यात आले.
भारतीय जनता पार्टीचे जिल्हाध्यक्ष धैर्यशील दादा कदम यांच्या सूचनेनुसार आणि श्रीमंत छ. आ. शिवेंद्रसिंहराजे भोसले यांच्या नेतृत्वाखाली भारतीय जनता पार्टीचे जिल्हा उपाध्यक्ष विठ्ठल देशपांडे, तालुकाध्यक्ष श्रीहरी गोळे आणि महिला मोर्चा अध्यक्ष सौ वैशाली सावंत, कामगार आघाडीचे प्रदेश प्रदेश उपाध्यक्ष भाईजी गावडे, ओबीसी महिला मोर्चाच्या जिल्हाध्यक्ष सौ गीता ताई लोखंडे, युवा नेते संतोष वारागडे, सदाशिव जवळ, किरण ढेबे, प्रविण गाडवे, बाळासाहेब पंडित, धनंजय खटावकर, संतोष करंजेकर, आनंद गाडगीळ, अथर्व गाडगीळ, विकास देशपांडे, संजय सपकाळ आदी कार्यकर्ते यावेळी उपस्थित होते.
छत्रपती शिवाजी महाराज चौक मेढा या ठिकाणी या सर्व पदाधिकाऱ्यांनी एकत्र येऊन आदरणीय स्वातंत्र्य वीर सावरकर यांच्या बद्दल अपमानास्पद वक्तव्य करणाऱ्या काँग्रेसच्या प्रियांक खर्गे यांच्या बद्दल निषेध व्यक्त करून,स्वा.सावरकर की अपमान नही सहेगा हींदुस्थान अशा निषेधाच्या घोषणा देण्यात आल्या आणि जावळीचे तहसीलदार हनुमंतजी कोळेकर तसेच मेढा पोलीस स्टेशनचे सहाय्यक पोलीस निरिक्षक संतोषजी तासगावकर यांना याबद्दल निवेदन देण्यात आले.