सोमेश्वर रिपोर्टर टीम-----
पुणे : प्रतिनिधी
महाराष्ट्र लोकसेवा आयोगातर्फे (एमपीएससी) घेण्यात आलेल्या महाराष्ट्र दुय्यम सेवा अजरापत्रित गट - ब मुख्य परीक्षा २०२१ मधील पोलीस उपनिरीक्षक (पीएसआय) संवर्गाचा अंतिम निकाल जाहीर करण्यात आला.
यामध्ये पुणे जिल्ह्यातील बारामती तालुक्यातील वाघळवाडी गावाची मयुरी महादेव सावंत यांनी महिला वर्गवारातून राज्यात प्रथम क्रमांक मिळवला.
एमपीएससीतर्फे ६ जुलै आणि १७ जुलै २०२२ रोजी ही परीक्षा घेतली होती. निकालासह प्रत्येक प्रवर्गासाठी शिफारसपात्र ठरलेल्या शेवटच्या उमेदवाराचे गुणही आयोगाच्या संकेतस्थळावर प्रसिद्ध करण्यात आले आहेत. मयुरी सावंत यांची दुसऱ्यांदा पीएसआय म्हणून निवड झाली असून त्या सध्या शासकीय सेवेत रुजू झाल्या आहेत.
