सोमेश्वर रिपोर्टर टीम------
जेजुरी : प्रतिनिधी
साकुर्डे गावचे हदीत रॉयल शेतकरी हॉटेलचे पार्किंगमधुन होडा कंपनीची शाईन मॉडेलची २०,००० रू किमतीची एक दुचाकी मोटारसायकल चोरीस गेलेबाबत फिर्यादी विकी भिमराव गाडेकर रा चोपडज ता बारामती जि.पुणे यांनी फिर्याद दिली होती.
दाखल गुन्हयाचे तात्काळ तपास सुरू करून तपासामध्ये गुन्हयात चोरीस गेले वाहन हे निरा व लोणंद जि सातारा भागात विना नंबरने अज्ञात इसम फिरवत असल्याची गोपनीय माहीती मिळालेने, त्या आधारे लोणंद पोलीस स्टेशन व बिबवेवाडी पुणे पोलीस स्टेशनचे मदतीने रेकॉर्डवरील सदर भागातील गुन्हेगाराची माहीती घेतली असता आरोपीत ओम प्रकाश माने रा वीर ता. पुरंदर जि.पुणे, धीरज संजय गिरे रा येळेवाडी ता.खंडाळा जि. सातारा, रोहीत सदानंद शेळके रा टोबरेमळा लोणंद ता. खंडाळा जि.सातारा सध्या रा. अप्पर पुणे यानां तपासकामी ताब्यात घेवुन त्याचेकडे गुन्हयाचे अनुशंगाने तपास करता त्यांनी नमुद गुन्हयाची कबुली दिली व गुन्हयातील चोरलेली वाहने लोणंद येथे भाडोत्री रूममचे बाहेर लावलेचे सांगितले.
बत्याआधारे सदर ठिकाणी जावुन चोरीस गेली वरील वर्णनाची मोटारसायकल जप्त करत असतानाच आरोपीकडे आणखीन ३ दुचाकी मोटारसायकल चोरलेल्या मिळुन आल्या. त्याचे नंबरप्लेट काढुन ठेवलेल्या होत्या त्याचेकडे सदर मोटारसायकलीबाबत चौकशी करता सदर मोटारसायकलपैकी १ मोटारसायकल लोणंद पोलीस स्टेशन हदीतुन, २ री स्ल्पेडर मोटारसायकल सासवड पोलीस स्टेशन हदीतुन, तर २ मोटारसायकल जेजुरी पोलीस स्टेशन येथुन चोरून नेल्याचे निष्पन्न झाले.
सदरची कारवाई ही पंकज देशमुख, पोलीस अधिक्षक पुणे ग्रामीण याचे मार्गदर्शनाखाली व संजय जाधव, अपर पोलीस अधिक्षक, बारामती विभाग बारामती याचे व तानाजी बरडे, उपविभागीय पोलीस अधिकारी सो, भोर विभाग सासवड याचे सुचंनावरून, जेजुरी पोलीस स्टेशनचे प्रभारी अधिकारी दिपक वाकचौरे याचे मार्गदर्शनाखाली जेजुरी पोलीस स्टेशनकडील नेमणुकीचे पो.स.ई तारडे, पो. हवा. तात्यासाहेब विनायक खाडे, पो.हवा. दशरथ बनसोडे, पो.हवा विठठल कदम, पो.कॉ शुभम भोसले यांनी केलेली आहे. सदर गुन्हयाचा पुढील तपास पो. हवा. खाडे हे करीत आहे.
