Baramati News l माळेगाव कारखान्याचा गत वर्षीच्या ऊसाला टनाला ३ हजार ६३६ रुपये दर : अनुदानासह टनाला मिळणार ३ हजार ७८६ रुपये

Admin
सोमेश्वर रिपोर्टर टीम------
माळेगाव : योगेश भोसले
हंगाम २०२३-२०२४ मध्ये कारखान्याने १३२७९०८ मे. टनाचे गाळप केलेले असुन रिकव्हरी उतारा १२.०२३ मिळालेली असुन एकुण १५,२०,००० किंटल साखर पोती उत्पादन झालेली असुन संचालक मंडळाने २०२३-२०२४ हंगामामध्ये गाळप केलेल्या सभासदांचे ऊसास  ३ हजार ६३६ रुपये प्र.मे.टन व गेटकेन गाळप केलेल्या ऊसास रुपये ३ हजार २०० प्र.मे.टन प्रमाणे अंतिम दर देण्यांत येणार आहे. या शिवाय व्हरायटी ऊसास अनुदान रुपये १००/- व खोडवा अनुदान रुपये १५०/- प्र.मे.टन असे एकुण सभासदांना व्हरायटी ऊस धारकास रुपये ३७३६/- प्र.मे.टन, खोडवा ऊस धारकास ३७८६/- प्र.मे.टन या प्रमाणे ऊसाचा भाव मिळणार आहे. हंगाम २०२३.२०२४ मधील कारखान्याची एफ.आर.पी. रुपये ३६९४.३१ त्यामधुन ऊस तोडणी वहातुक खर्च ८६३.६४ वजा जाता निव्वळ देय एफ.आर.पी. रुपये २८३०.६७ प्र.मे.टन आलेली असुन ऊस पुरवठादारांना पहिला हप्ता रुपये ३०००/- प्र.मे.टन व सभासदांना खोडकी अनुदान रुपये २००/- प्र.मे.टन अदा केलेले आहेत व आता जाहिर केलेल्या भावानुसार उर्वरित देय रक्कमेपैकी सभासदांना रुपये २५०/- प्र.मे.टन व गेटकेन धारकांना रुपये १००/- प्र.मे.टना प्रमाणे दिपावली पुर्वी अदा करणार असुन उर्वरित पेमेंट रक्कम मकर संक्रातीपुर्वी अदा केली जाईल.
        सहकारी चळवळीच्या माध्यमातुन समाज परिवर्तन करण्याचे हेतुने कारखान्याने साखर उद्योगाच्या व उपपदार्थ निर्मीतीची यशस्वी वाटचाल केलेली आहे. यामध्ये कारखान्याचे संचालक मंडळ, कर्मचारी, अधिकारी यांचा मोलाचा वाटा आहे. सन २०२४.२०२५ चे हंगामाचे पुर्वतयारीसाठी कारखान्यामधील अंतर्गत कामे चालु असुन गळीत हंगाम वेळेत सुरु करण्याचे दृष्टीने सर्व विभाग प्रमुख प्रयत्नशिल आहेत. सर्व कामांची वेळेत पुर्तता करणेबाबत चेअरमन, संचालक मंडळ, कार्यकारी संचालक यांनी सुचना केलेल्या आहेत. या वर्षी पर्जन्यमान चांगले असुन या हंगामांत जास्तीत जास्त ऊस गाळप करणेचा मानस कारखान्याचे चेअरमन केशवराव जगताप यांनी व्यक्त केला. कारखान्याने जाहिर केलेला भाव हा राज्यांत उच्चांकी स्वरुपाचा आहे त्यामुळे कारखान्याचे व्यवस्थापन, सभासद व कर्मचारी यांचेमध्ये उत्साहाचे वातावरण आहे. या उच्चांकी ऊस दरामध्ये कारखान्याचे सभासद, व्यवस्थापन, कर्मचारी, अधिकारी यांचे मोठे योगदान आहे.
To Top