सोमेश्वर रिपोर्टर टीम-----
सोमेश्वरनगर : प्रतिनिधी
बारामती तालुक्यातील सोमेश्वरनगर च्या शरदचंद्र पवार इन्स्टिट्युट ऑफ टेक्नॉलॉजी या संस्थेत राज्यघटनेचे महत्त्व या विषयावर विद्यार्थ्यांना मार्गदर्शन करणेत आले.बारामतीतील ज्येष्ठ विधीज्ञ ॲड. गणेश आळंदीकर यानी यावेळी मार्गदर्शन केले.
महाविद्यालयाचे प्राचार्य एस के हजारे,प्रा.अमर घाडगे,प्रा दिग्विजय चव्हाण सर्व स्टाफ व सुमारे १५० विद्यार्थी यावेळी उपस्थित होते.
ॲड आळंदीकर म्हणाले राज्यघटना हा विषय फक्त परीक्षेत अभ्यासापुरता मर्यादित नसून तो रोजच्या जीवनात अनुभवण्यासाठी प्रत्येकाने राज्यघटना समजून घेतली पाहिजे.जगातील सर्वात मोठी राज्यघटना भारताची असून हा एक पवित्र ग्रंथ आहे संपूर्ण राज्यघटनेचा गाभा उद्देशिकेमध्ये असून प्रस्तावना समजून घेतली तर पंडीत नेहरू ना त्यांना हवा असलेल्या भारताचे चित्र स्पष्ट होते. घटना समिती अध्यक्ष डॉक्टर राजेंद्रप्रसाद ,मसुदा समिती अध्यक्ष डॉक्टर बाबासाहेब आंबेडकर यांचे अथक प्रयत्नातून तयार झालेल्या घटनेतील वेळोवेळी झालेले बदल, राज्यघटनेचे फायदे त्याची वैशिष्ठे याबाबत सविस्तर मार्गदर्शन ऍड आळंदीकर यानी यावेळी केले.
प्राचार्य एस के हजारे सर यानी स्वागत व आभार मानले .
