सोमेश्वर रिपोर्टर टीम-----
भोर : संतोष म्हस्के
पुणे-सातारा महामार्गावरील धांगवडी ता. भोर येथील राजगड ज्ञानपीठ इंजिनिअरिंग कॉलेजमध्ये शिक्षण घेणाऱ्या १७ वर्षीय विद्यार्थ्याचा मृतदेह पारवडी ता.भोर गावातील विहिरीमध्ये सापडला.मृत मुलाचे नाव आयुष सतीश लिम्हन वय १७ रा. पारवडी, ता.भोर असे आहे.
याबाबत अधिक माहिती अशी की आयुष लिम्हन हा पुणे-सातारा महामार्गावरील धांगवडी येथील राजगड ज्ञानपीठ इंजीनियरिंग कॉलेजमध्ये शिक्षण घेत होता.यादरम्यान बुधवार दि.२५ सकाळी सव्वा नऊच्या दरम्यान हा मुलगा राहत्या घरातून कॉलेजच्या बसने कॉलेजला निघून गेला.परंतु रात्री उशिरा पर्यंत तो घरी आला नसल्याने त्याचे वडील सतीश दत्तात्रय लिम्हण वय ५४ यांनी बुधवार दि.२५ सप्टेंबर अपहरणाचा संशय व्यक्त करत रात्री उशिरा राजगड पोलीस ठाण्यात फिर्याद दिली.दिलेल्या फिर्यादीनुसार अज्ञाताविरोधात अपहरणाचा गुन्हा दाखल करण्यात आला होता.यांनतर या मुलाचा मृतदेह पारवडी गावातीलच एका विहिरीमध्ये आढळून आल्यामुळे परिसरात एकच खळबळ उडाली. राजगड पोलिसांनी मृतदेह ताब्यात घेऊन शुभविच्छेदनासाठी भोर उपजिल्हा रुग्णालयात पाठवला असून पुढील तपास राजगड पोलीस करीत आहेत.
