सोमेश्वर रिपोर्टर टीम-----
माळेगाव : प्रतिनिधी
माळेगाव (शिवनगर) ता. बारामती येथे जुन्या भांडण्याच्या रागातून एकावर धारदार शस्त्राने वार केल्याची घटना घडली आहे. वार करून पळून जाताना पाठलाग करत माळेगाव पोलिसांनी हल्लेखोरांना फलटण तसेच एकाला पणदरे येथून ताब्यात घेतले आहे.
याबाबत माळेगाव पोलिसांनी दिलेल्या माहितीनुसार दि. ५ डिसेंबर रोजी सकाळी साडेअकराच्या सुमारास प्रकाश उर्फ पप्पु दिगंबर भापकर वय ३३ रा. अजिंक्यनगर, माळेगाव बु।। हे त्यांचे शिवनगर येथील फायनान्स कंपनीचे ऑफिसमध्ये त्यांचे सहकारी दादासो नारायण भाते यांचेसह बसलेले असताना त्यांच्या कार्यालयात चेतन बाळु जाधव, मयुर रणजित जाधव, विजय बाळासो कुचेकर, दिनेश आडके सर्व रा. माळेगाव बु।। ता.बारामती जि.पुणे यांनी भापकर यांच्या ऑफिसमध्ये घुसुन मागील दिड ते दोन महीन्यांपुर्वी जुने भांडणाचे कारणावरुन त्यांचे सोबत आणलेले धारदार शस्त्रांनी प्रकाष उर्फ पप्पु दिगंबर भापकर यांचे डोक्यात, मानेवर, डावे तसेच उजवे हातावर, तसेच इतर ठिकाणी वार करुन गंभीर जखमी करीत असताना भापकर यंाचे सोबत असलेला त्यांचा सहकारी दादासो माने हे भापकर यांना सोडविणेसाठी गेले असता त्यांनी देखील ग्लास फेकुन मारुन दोन मोटार सायकल वरुन निघुन गेले. गोपनीय माहीती माळेगाव पोलीस स्टेशन प्रभारी अधिकारी स.पो.नि. सचिन लोखंडे यांना मिळाले नंतर सदर घटनेचे गांभीर्य ओळखुन माळेगाव पोलीस स्टेशन कडील पोलीस अधिकारी व अंमलदार यांची दोन तपास पथके तयार करुन त्यांना सदर घटनेच्या तपासाचे अनुशंगाने हल्लेखोरांना ताब्यात घेणे व इतर आवष्यक सुचना देवुन तात्काळ रवाना केले.
सदर हल्लेखोर हे गुन्हा करुन फरार होणेची शक्यता असलेने पोलीस तपास पथक यांना मिळालेले गोपनीय माहीतीचे आधारे तसेच सी.सी.टी.व्ही कॅमेरा फुटेज तसेच इतर तांत्रिक विष्लेशणातुन सदर घटनेतील हल्लेखोर चेतन बाळु जाधव, मयुर रणजित जाधव, विजय बाळासो कुचेकर असे त्यांचे कडील दोन मोटार सायकल वरुन पळुन जात असताना त्यांना फलटण नगरपालिका हदद्ीतील कचरा डेपो परीसरात पाठलाग करुन ताब्यात घेतलेले असुन त्यांचा उर्वरीत साथीदार दिनेश आडके याचा पणदरे ता. बारामती येथून ताब्यात घेतलेले आहे. पुढील तपास पोलीस उपनिरीक्षक अमोल खटावकर हे करीत आहेत.
सदरची कामगिरी पंकज देशमुख पोलीस अधीक्षक पुणे ग्रामीण, गणेश बिरादार, अपर पोलीस अधीक्षक बारामती विभाग,डॉ. सुदर्शन राठोड, उपविभागीय पोलीस अधिकारी बारामती उपविभाग, अविनाष शिळीमकर वरिष्ठ पोलीस निरीक्षक, स्थानिक गुन्हे अन्वेशण शाखा, पुणे ग्रामीण यांचे मार्गदर्शनाखाली माळेगाव पोलीस ठाणे कडील स.पो.नि. सचिन लोखंडे, पोलीस उपनिरीक्षक, अमोल खटावकर, देविदास साळवे, सहा.पोलीस उपनिरीक्षक, शरद तावरे, पो.हवा अमर थोरात, पो.ना. ज्ञानेष्वर सानप, पो.काॅ. नंदकुमार गव्हाणे, राहुल पांढरे, विजय वाघमोडे, अमोल राऊत, ज्ञानेश्वर मोरे, जालिंदर बंडगर, विकास राखंुडे व होमगार्ड सागर कोळेकर, विक्रम मदने यांनी केलेली आहे.
