सोमेश्वर रिपोर्टर टीम------
भोर : संतोष म्हस्के
पुणे-सातारा महामार्गालगतच्या भोर तालुक्याच्या हद्दीतील गावांमध्ये गुरुवार दि.५ रोजी चोरट्यांनी एकाच रात्री चार दुकाने फोडल्याची घटना घडली.
यात चोरट्यांनी रोख रकमेसह मुद्देमाल चोरून नेला.या घटनेत एका दुकानात चोरटे सीसीटीव्हीत कैद झाले होते. याबाबत राजगड पोलिस ठाण्यात गुन्हा दाखल करण्यात आला होता. त्या अनुषंगाने स्थानिक गुन्हे शाखेने तपास लावून एका चोरट्यास जेरबंद केले.
वरील चोऱ्यांमधील तीन महिन्यांपूर्वी नसरापुर ता.भोर येथील मधुशाला बियर शॉपीचे शटर फोडून रोकड चोरून नेणाऱ्यांपैकी एक आरोपी नसरापुर-चेलाडी फाटा ब्रिज खाली थांबला आहेे अशी माहिती स्थानिक गुन्हे शाखेला मिळाली.या पार्श्वभूमीवर यानंतर पोलिसांनी त्यास सापळा रचून ताब्यात घेतले. करण अजय हुंबे वय १९ वर्ष, रा. धायरी, ता. हवेली यास ताब्यात घेतले. चोऱ्यांप्रकरणीची सखोल चौकशी करण्यात आली. हुंबे याने सांगितले की त्याचे सोबतचे मित्र राहुल संजय दारवटकर, रोशन राजु लांडगे व लक्ष्मण राम परिवार (सर्वजण राहणार धायरी, ता. हवेली) यांनी मिळून वरील सर्व चोऱ्या केल्या असल्याचे फिर्यादीत नमूद केले आहे.सदरची कामगिरी ही पोलीस अधीक्षक पंकज देशमुख, अप्पर पोलिस अधिक्षक गणेश बिरादार, उपविभागीय पोलिस अधिकारी तानाजी बर्डे यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक अविनाश शिळीमकर, सहाय्यक पोलिस निरीक्षक दत्ताजीराव मोहीते, सहाय्यक पोलिस निरीक्षक कुलदीप संकपाळ, पोलीस हवालदार अमोल शेडगे, राजू मोमीन, तुशार भोईटे, रामदास बाबर, मंगेश भगत तसेच राजगड पोलीस ठाण्याचे पोलिस उपनिरीक्षक अजित पाटील, अक्षय नलावडे, मंगेश कुंभार यांनी केली आहे.
