सोमेश्वर रिपोर्टर टीम-----
सोमेश्वरनगर : प्रतिनिधी
बारामती तालुक्यातील रामराजे वि का सोसायटीच्या अध्यक्षपदी डॉ. रणजित नारायणराव जगताप यांची बिनविरोध निवड करण्यात आली. सोमेश्वर कारखान्याचे अध्यक्ष पुरुषोत्तम जगताप यांच्या मार्गदर्शनाखाली ही निवड करण्यात आली.
मावळते अध्यक्ष प्रवीण जगताप यांनी आपल्या पदाचा राजीनामा दिल्याने रिक्तपदी ही निवड करण्यात आली. अध्यक्षपदासाठी डॉ. रणजित जगतात यांचा एकमेव अर्ज आल्याने निवडणूक निर्णय अधिकारी यांनी जगताप यांच्या निवडीची घोषणा केली. यावेळी राजेंद्र जगताप, चंद्रशेखर जगताप, वीरेंद्र जगताप, अशोक जाधव, कुमार जगताप, नारायण जगताप, बाळासाहेब जगताप, नानासो जगताप, प्रशांत जेधे आदी मान्यवर उपस्थित होते. निवडणूक निर्णय अधिकारी म्हणून बारामती सहाय्यक निबंधक प्रमोद दुरगुडे व अमर गायकवाड यांनी कामकाज पाहिले त्यांना सचिव किरण जगताप व सहसचिव प्रदीप जगताप यांनी सहकार्य केले.