सोमेश्वर रिपोर्टर टीम-----
लोणंद : प्रशांत ढावरे
लोणंद नीरा दरम्यान पालखी मार्गावरील माणिक सोना पेट्रोल पंपासमोर रस्त्यामधे असलेल्या खड्ड्यात मोटारसायकल उडून झालेल्या अपघातात शाळेत जाणाऱ्या अंकीता धायगुडे या युवतीचा जागीच मृत्यू झाला तर इतर दोघे गंभीर जखमी झाल्याची घटना घडली.
याबाबत घटनास्थळावरून मिळालेली अधिक माहीती अशी, आज सोमवार दिनांक ०६ रोजी सकाळी साडेसात वाजण्याच्या सुमारास पाडेगाव हद्दीतील
पालखी मार्गावरील सूर्या हॉटेल येथे असणाऱ्या माणिक सोना पेट्रोल पम्पासमोर बालुपाटलाच्या वाडी येथील तिघेजण मोटार सायकल वरून निरा बाजूला जात असताना पेट्रोल पंपासमोर पाण्याची लिकेज काढण्यासाठी खोदलेल्या खड्ड्यात मोटारसायकल उडून मोटार वरील अंकिता अनिल धायगुडे वय 20 ही शाळकरी मुलगी जागीच ठार झाली असून विशाल दौलत धायगुडे वय 27 सानिका विलास धायगुडे वय 18 रा बालुपाटलाचीवाडी हे दोघे गंभीर जखमी झाले आहेत.
पालखी मार्गावरील लोणंद ते नीरा दरम्यान रस्त्यातच कालपासून लोणंद नागरपंचायतच्या पाणी लाईनचे दुरुस्तीचे काम चालू होते. सदर ठिकाणी ठेकेदाराकडून कोणत्याही प्रकारचे बॅरीगेटस् किवा अडथळा उभारला नसल्याने या कामासाठी खोदलेल्या खड्ड्यात पाणी साचल्यामुळे रस्त्यावरच असणारा हा खड्डा वाहनचालकांच्या लक्षात येत नसल्याने हा अपघात घडला असल्याची शक्यता स्थानिकांकडून व्यक्त होत आहे.
या अपघातानंतर बालुपाटलाची वाडी येथील ग्रामस्थांनी लोणंद येथील राजमाता अहिल्यादेवी चौक येथे सुमारे अर्धा तास अडवून धरत दोषींवर गुन्हा दाखल करून कडक कारवाईची मागणी करण्यात आली. यावेळेस लोणंद पोलीस स्टेशनचे सपोनि सुशील भोसले यांनी रास्ता रोको करणारांची समजूत काढत त्यांना लोणंद पोलीस स्टेशन येथे बोलावण्यात आले. या प्रकरणी संबंधितांवर लोणंद पोलीस ठाण्यात गुन्हा दाखल करण्याचे काम ऊशीरा पर्यंत चालू होते.